Yandex.Metrica
Սերժ Սարգսյան

Հայերը, անկախ նրանից` աշխարհի որ մասում են ապրում, մեկ ընդհանուր արժեք ունեն` Հայրենիքն ու Հայոց պետականությունը:

Սպասվում է անձրև և ամպրոպ. կրկին փոփոխական եղանակ

եղանակ

Հանրապետության տարածքում մայիսի 29-30-ը գիշերվա առաջին կեսին և օրվա երկրորդ կեսին ամենուրեք, 31-ին, հունիսի 1-2-ը առավելապես լեռնային շրջաններում սպասվում է անձրև և ամպրոպ, առանձին վայրերում` կարկուտ: Քամին հարավ-արևելյան՝ 5-10 մ/վրկ, ամպրոպի ժամանակ սպասվում է քամու ուժգնացում՝ 20-25 մ/վրկ: Ինչպես հայտնում են ՀՀ արտակարգ իրավիճակների նախարարությունից՝ օդի ջերմաստիճանն աստիճանաբար կբարձրանա 4-6 աստիճանով:   Երևանում մայիսի 29-30-ը գիշերվա առաջին և օրվա երկրորդ կեսերին սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 15-20 մ/վրկ:  Մայիսի 31-ին, հունիսի 1-2-ը անձրևի հավանականությունը փոքր է:  

Read More

Ներսես Նազարյանի «Մոսկվիչկայում» «գերի են վերցրել» լրագրողների

1

Այս պահին armlur.am-ի թղթակիցներին Աբովյան-Սայաթ-Նովա խաչմերուկի վրա գտնվող «Մոսկվիչկա» սուպերմարկետի անվտանգության ծառայության աշխատակիցն ու սուպերմարկետի իրավաբանը թույլ չեն տալիս դուրս գալ խանութի տարածքից: Պատճառն այն է, որ ընդմիջման ժամին «Մոսկվիչկայից» գնված բրնձով փլավի մեջ armlur.am-ի թղթակիցն ապակու կտոր էր հայտնաբերել, ինչի պարզաբանման նպատակով տեսախցիկով «զինված» այցելեց խանութ: Քիչ առաջ մեր աշխատակիցները զանգահարեցին խմբագրություն և հայտնեցին եղելությունը: Նրանք արդեն 20 րոպե է՝ սուպերմարկետի նկուղում են: Լրագրողներից պահանջում են ջնջել լուսանկարներն ու տեսաձայնագրությունը, և միայն դրանից հետո նրանց ազատ կարձակեն:  Մանրամասները՝ սկզբնաղբյուր կայքում։

Read More

Միկոյանի բրոնզաձույլ արձանը. բացառիկ կադրեր ձուլարանից (տեսանյութ)

Միկոյանի բրոնզաձույլ արձան

«Ազատություն» TV-ին հաջողվել է նկարահանել կադրեր այն ձուլարանում, որտեղ գրեթե պատրաստ է Անաստաս Միկոյանի վիճահարույց բրոնզաձույլ արձանը։ Ներկայացնում ենք բացառիկ կադրեր ձուլարանից՝ առանց մեկնաբանության։  

Read More

Գևորգ Չավուշի թանգարանի աշտարակին արծվի քանդակ է տեղադրվել

Գևորգ Չավուշի թանգարան

Երևանի քաղաքապետ Տարոն Մարգարյանը որդիների հետ միասին մասնակցել է Արագածոտնի մարզի Աշնակ գյուղում ավանդաբար մայիսի 27-ին նշվող ֆիդայիների ոգեկոչման ու հայ ժողովրդի ազգային ազատագրական պայքարի հերոս Գևորգ Չավուշի հիշատակի օրվան նվիրված արարողությանը: Տասնամյակների պատմություն ունեցող այս ավանդույթը մեկ հարկի ներքո էր հավաքել տարբեր սերունդների հարյուրավոր մարդկանց, ովքեր եկել էին Աշնակ՝ ոչ միայն իրենց հարգանքի տուրքը մատուցելու քաջ ֆիդայապետի հիշատակին, այլև մասնակցելու բոլոր այն ֆիդայիների ոգեկոչման արարողությանը, ովքեր Չավուշի նման իրենց կյանքը զոհաբերեցին հանուն հայրենիքի ու սեփական ժողովրդի փրկության: Մինչ ավանդատոնի բուն միջոցառումների մեկնարկը, Տարոն Մարգարյանը նախ հարգանքի տուրք է մատուցել Հայրենական մեծ պատերազմում, Արցախյան ազատամարտում զոհված աշնակցիների, ինչպես նաև Մեծ…

Read More

Հայրենիքի լինելիությունը կախված է ազգային նպատակներ առաջադրելու ունակ ընտրախավից. Նախախորհրդարան

Նախախորհրդարան

Դարավոր ընդմիջումից հետո նվիրյալ հայորդիների բացառիկ սխրագործության շնորհիվ 1918 թ. մայիսին 28-ին հայկական անկախ պետականության վերականգնումը մեր նոր պատմության շրջադարձն է: Այս մասին ասվում է Նախախորհրդարանի հայտարարության մեջ՝ «անկախ պետականության վերականգնման տոնի» առթիվ։ Հայտարարության մեջ ասվում է. «Այս իրադարձության որոշիչ դերն ու կարևորությունն առավել ամբողջական կերպով ընկալելու համար հարկավոր է այն համեմատական կարգով դիտարկել հայության կյանքի երկու վիճակների՝ գաղութացվածության և ինքնիշխանության համատեքստերում: Նման համեմատական դիտարկումից ակնհայտ է դառնում, որ եթե Մեծ Եղեռնը՝ որպես գաղութացման առավել ծայրահեղ դրսևորում, մեզ հասցրեց գոյութենական ճգնաժամի, ապա ինքնիշխան կյանքով ապրելու բնական մղումից ծնված Առաջին Հանրապետությունը ցույց տվեց, որ այդ ճգնաժամը հնարավոր է և պետք է…

Read More

Սերժ Սարգսյանն ու բարձրաստիճան այլ պաշտոնյաներ Սարդարապատի հուշահամալիր են այցելել

Հանրապետության օր

Հայաստանի Առաջին Հանրապետության կազմավորման առթիվ Սարդարապատի հուշահամալիր են այցելել բարձրաստիճան պաշտոնյաներ, զինվորականներ, հասարակ քաղաքացիներ: Այստեղ է նաև ՀՀ Նախագահ Սերժ Սարգսյանը, ով նախ կանգնեց և մի քանի րոպե զրուցեց պաշտպանության նախարար Սեյրան Օհանյանի հետ, ապա զրույց ունեցավ Մեծի Տանն Կիլիկիո Արամ Ա կաթողիկոսի հետ։ Այնուհետև ՀՀ Նախագահը ԼՂՀ Նախագահ Բակո Սահակյանի, վարչապետ Հովիկ Աբրահամյանի, ԱԺ նախագահ Գալուստ Սահակյանի ուղեկցությամբ բարձրացավ դեպի հուշահամալիր։ Նրանք ծաղիկներ ու ծաղկեպսակներ դրեցին Սարդարապատի ճակատամարտում զոհված հայ հերոսների հիշատակը հավերժացնող հուշարձանին։    

Read More

Կաթողիկոսի շնորհավորական ուղերձը

Armenian Patriarch Gives Speech On Religious Freedom In Washington

Մայր Աթոռ Սուրբ Էջմիածնից հայրական սիրով Մեր օրհնությունն ու շնորհավորանքներն ենք բերում հայրենաբնակ և աշխարհասփյուռ մեր զավակներին Հանրապետության օրվա առիթով: 1918 թվականին մեր ժողովուրդը մայիսյան հերոսամարտերում հոգին ի բուռն պաշտպանեց Հայրենի երկիրը և բարդ ու դժվարին իրավիճակի մեջ հաստատեց Հայաստանի առաջին Հանրապետությունը։ Պետականության վերականգնումը արգասիքն էր մեր ժողովրդի երկարամյա ազատագրական պայքարի, անկոտրում հավատքի և միասնականության ոգու: Հանրապետության օրը հրավեր ու քաջալերություն է մեզ այսօր` ամենայն նախանձախնդրությամբ հոգալու մեր պետականության զորացման, մեր երկրի բարգավաճման, մեր ժողովրդի բարօրության և ազգային մեր իղձերի իրագործման համար։ Սիրելի բարեպաշտ ժողովուրդ, հավատում ենք, որ հակառակ առկա մարտահրավերներին, պիտի շարունակենք հետևողական ջանքերով, աննահանջ ոգով կերտել հայրենի պետականությամբ…

Read More

Դիվերսիոն հարձակում. Ադրբեջանական կողմից առնվազն 2 զոհ, 1 վիրավոր, հայկական կողմից՝ 1 կորուստ

Դիվերսիոն հարձակում

Մայիսի 27-ի լույս 28-ի գիշերը` ժամը 02:55-ի սահմաններում, ղարաբաղա-ադրբեջանական հակամարտ զորքերի շփման գծի հարավային ուղղությամբ հակառակորդը  ձեռնարկել է հերթական հետախուզադիվերսիոն ներթափանցման փորձ: ՊԲ առաջապահ ստորաբաժանումները, ժամանակին հավաստանշելով հակառակորդի հատուկ ջոկատայինների առաջխաղացումը, դիմել են պատասխան գործողությունների և, նրանց պատճառելով նշանակալի կորուստ, հետ շպրտել ելման դիրքեր: Ըստ նախնական տվյալների՝ ադրբեջանական կողմը տվել է առնվազն  երկու զոհ և մեկ վիրավոր: Ադրբեջանական գրոհայիններին դիմակայելու ընթացքում պաշտպանության բանակը ունեցել է մեկ կորուստ: Հակառակորդի դեմ ծավալված մերձամարտում զոհվել է ՊԲ զինծառայող, եֆրեյտոր, 1995թ.  ծնված Էրիկ Վիլենի Գասպարյանը: ԼՂՀ պաշտպանության նախարարությունը կիսում է ծանր կորստյան վիշտը և իր զորակցությունը հայտնում Է. Գասպարյանի ընտանիքի անդամներին, հարազատներին և ծառայակիցներին: Դիվերսիոն հետախուզական գործողության այլ մանրամասները ճշտվում են: Ներկա դրությամբ շփման գծի ողջ երկայնքով ՊԲ առաջապահ ստորաբաժանումները շարունակում են  վստահորեն իրականացնել իրենց առջև դրված մարտական խնդիրը:

Read More

Մեծի Տանն Կիլիկիո կաթողիկոսը ժամանել է Մայր աթոռ Սուրբ Էջմիածին

123

Մայիսի 26-ի երեկոյան Հայաստան ժամանեց Ն.Ս.Օ.Տ.Տ. Արամ Ա Մեծի Տանն Կիլիկիո կաթողիկոսը` Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի չորրորդ նիստին մասնակցելու նպատակով: Այս մասին տեղեկացնում է Մայր աթոռ Սբ Էջմիածնի տեղեկատվական համակարգը։ Մայր աթոռ Սուրբ Էջմիածնում` Տրդատա կամարի առջև, Արամ Ա կաթողիկոսին դիմավորեց Ն.Ս.Օ.Տ.Տ. Գարեգին Բ ծայրագույն պատրիարք և Ամենայն հայոց կաթողիկոսը: Մայր աթոռի միաբանների ուղեկցությամբ Ամենայն հայոց հայրապետը և Մեծի Տանն Կիլիկիո կաթողիկոսը «Հրաշափառի» ներքո մուտք գործեցին Մայր տաճար: Գոհաբանական աղոթքից հետո Գարեգին Բ Ամենայն հայոց կաթողիկոսը ողջունեց Արամ Ա կաթողիկոսի այցը Մայր աթոռ Սբ Էջմիածին: Ամենայն հայոց հայրապետը վստահություն հայտնեց, որ հակառակ ծանրաբեռնված ժամանակացույցի, առիթ…

Read More

Այս տարի մայրաքաղաքում կկառուցվի մինի ֆուտբոլի 15 խաղադաշտ. քաղաքապետարան

Ֆուտբոլ

Երեխաների առողջ ապրելակերպի խթանման, ինչպես նաև բակային ակտիվ հանգստի ապահովման ու պատանի երևանցիների մարզական հաջողություններին նպաստելու նպատակով վարչական շրջաններում սահմանված ժամանակացույցով ընթանում են մինի ֆուտբոլի նոր խաղադաշտերի կառուցման աշխատանքները: Այս մասին տեղեկացնում է Երևանի քաղաքապետարանի տեղեկատվության  և հասարակայնության հետ կապերի վարչությունը։ Ծրագիրն իրականացվում է Երևանի քաղաքապետարանի 2014 թվականի շինբարեկարգման ծրագրերի շրջանակում: Այս տարվա ծրագրով մայրաքաղաքում կառուցվելու է մինի ֆուտբոլի 15 խաղադաշտ: Դրանցից 10-ում շինարարական աշխատանքներն արդեն մեկնարկել են: Մյուս վայրերում առայժմ նախապատրաստական աշխատանքներ են տարվում: Շինաշխատանքներն իրականացվում են համապատասխան մրցույթում հաղթող ճանաչված կազմակերպության կողմից: Առաջիկայում կմեկնարկեն նաև նախորդ տարիներին կառուցված թվով 59 մինի ֆուտբոլի խաղադաշտերի վերանորոգման աշխատանքները:

Read More