Yandex.Metrica
Սերժ Սարգսյան

Հայերը, անկախ նրանից` աշխարհի որ մասում են ապրում, մեկ ընդհանուր արժեք ունեն` Հայրենիքն ու Հայոց պետականությունը:

lratvutyun lratvutyun

Սուրիա Օգնութիւն Տարած Օդանաւով 100 Հոգի Հայաստան Եկած Է

ԵՐԵՒԱՆ, «Փանորամա».- «Փիւնիկ» բարեգործական հիմնարկի նախագահ, դամասկոսահայ բարերար Գաբրիէլ Չեմպերճեան ըսած է, որ Հայաստանէն Սուրիա մարդասիրական օգնութիւն տարած օդանաւերէն մէկը, ետդարձի ճամբուն, Սուրիայէն Հայաստան բերած է 100 հոգի. ան միաժամանակ զարմանք յայտնած է, որ այդ մասին ոչ ոք կը խօսի:

Չեմպերճեան յայտնած է, որ Սուրիոյ մէջ խուճապ չկայ՝ հակառակ գոյութիւն ունեցող վտանգներուն, արձանագրուող զոհերուն եւ շարունակուող քանդումներուն, շեշտելով, որ Սուրիոյ մէջ կան նաեւ ապահով վայրեր:

Սուրիահայ բարերարը աւելցուցած է, որ թուրքին ուզածն է համայնքին կործանումը եւ հայերուն հեռացումը: «Մենք թուրքին ուզածը պիտի չընե՛նք», նշած է Չեմպերճեան, շեշտելով, որ թէեւ համայնքը կը պահուի, բայց հիմնարկը կ՛օգնէ նաեւ բոլոր այն հայերուն, որոնք կ՛ուզեն դուրս գալ Սուրիայէն: Այդ աջակցութիւնը գլխաւորաբար կը կատարուի Սուրիոյ մէջ Հայաստանի դիւանագիտական կառոյցներուն միջոցով:

Ան նաեւ շեշտած է, որ ինք դէմ է աջակցելու այն հայերուն, որոնք Հայաստան կու գան միայն հայկական անցագիր ձեռք բերելու եւ այլ երկիր մը երթալու համար: