Lratvutyun.am Ադրբեջանական կողմը գնդակոծել է Բարեկամավան գյուղը

Երեկ ժամը 23։00-01։00-ն ընկած ժամանակահատվածում ադրբեջանական կողմը գնդակոծել է Տավուշի մարզի Բարեկամավան գյուղը: Սկզբում կրակել են դիրքերի, ապա գյուղի ուղղությամբ:

Բարեկամավանի գյուղապետ Ջոնիկ Միքայելյանը Թերթ.am-ին տեղեկացրեց, որ կրակոցներից տուժածներ չկան, տանիքներ են վնասվել միայն:

Համայնքապետի փոխանցմամբ՝ հակառակորդը կրակել է «ԴՇԿ» և «ԱԳՍ» զենքերից:

«Մեր տարածաշրջանն այնպիսինն է, որ գրեթե ամեն օր դիրքերի ուղղությամբ կրակոցներ լինում են, գյուղի ուղղությամբ վերջին մեկ տարվա ընթացքում առաջին անգամ էր: Ընդմիջումներով կրակում էին»,- հայտնել է Ջոնիկ Միքայելյանը:

Թողնել պատասխան

Ձեր էլ-փոստի հասցեն չի հրապարակվելու։