Yandex.Metrica
Սերժ Սարգսյան

Հայերը, անկախ նրանից` աշխարհի որ մասում են ապրում, մեկ ընդհանուր արժեք ունեն` Հայրենիքն ու Հայոց պետականությունը:

lratvutyun lratvutyun

Ինչ կատարվեց Ժնեւում. Սերժ Սարգսյանի եւ Ալիեւի պայմանավորվածությունը

9001

Ժնևում Հայաստանի դեսպանատանը Սերժ Սարգսյանն Ալիեւի հետ հանդիպումից հետո հանդիպել է շվեյցարահայ համայնքի ներկայացուցիչների հետ: Սերժ Սարգսյանը հանդիպման ժամանակ ներկայացրել է Ադրբեջանի նախագահի հետ բանակցությունների արդյունքները:«Մի քանի րոպե առաջ Ադրբեջանի նախագահի հետ հանդիպումն ավարտվեց. որևէ կոնկրետ պայմանավորվածություն, այսպես ասած, չունենք, խնդրի լուծման տարբերակների մասին: Բայց պայմանավորվել ենք, որպեսզի միջոցներ ձեռնարկենք լարվածությունն էլ ավելի թուլացնելու, որպեսզի առաջնագծում չունենանք զոհեր: Պետք է ասեմ` և Ադրբեջանի նախագահը, և ես դրանում խորապես շահագրգռված ենք:Տա Աստված, որ միշտ այդպես կարծի: Նա էլ շատ լավ է հասկանում խնդրի բարդությունը, բնականաբար, ես էլ, բայց խնդիրն այնպիսին է, որ հեշտ լուծում երբեք չի լինելու: Սակայն մի հարցում էլ ուզում եմ, որ բոլորդ վստահ լինեք` մեզ համար չկա լուծում, որը կարող է ինչ-որ կերպ խաթարել Ղարաբաղի անվտանգությունը: Մեզ համար միակ լուծումն այն է, որ Ղարաբաղը լինի Ադրբեջանից դուրս», ասել է Սերժ Սարգսյանը:Սերժ Սարգսյան-Ալիեւ հանդիպումներն ըստ էության վաղուց կապ չունեն ղարաբաղյան կարգավորման հետ: «Բանակցային գործընթացում» այդ հանդիպումների իմաստն ու տրամաբանությունը վաղուց ենթարկված են առավել լայն աշխարհքաղաքական խնդիրների, թեեւ Արմեն Աշոտյանը պնդում է, որ խնդիրն աշխարհքաղաքական չէ: Լավ կլիներ, որ այդպես լիներ, եւ մասնավորապես Հայաստանը զբաղված լիներ ոչ թե կարգավորման ինչ որ տարբերակներ քննարկելով, այլ Արցախի ինքնորոշման իրավունքն իրացնելու քաղաքականությամբ: