Ուկրաինայում ՀՀ դեսպան Անդրանիկ Մանուկյանը վստահ է, որ հայերը ոչ մի կապ չունեն Սաակաշվիլիի հետ

Ուկրաինայում ՀՀ դեսպան Անդրանիկ Մանուկյանը վստահ է, որ հայերը ոչ մի կապ չունեն Սաակաշվիլիի հետ, որ մասնակցեին ընդդեմ Պորոշենկոյի՝ նախօրեին Սաակաշվիլիի կազմակերպած բողոքի ցույցին։

«Մեր համայնքն այսօր լավ դիրքերում է, հայամետ, մեր երկրի շահն առաջ տանող, ազնիվ համախմբված են, ինչու են փորձում խառնել։ Փորձ է արվում թուլացնել հայ համայնքի դիրքերը, բայց ինչո՞ւ։ Սաակաշվիլիի հետ հայ համայնքը որևէ կապ չունի, դա արվում է մի նպատակով, որ հայ համայնքի նկատմամբ վերաբերմունքը փոխվի»,- Առավոտ»-ի հետ զրույցում ասել է Անդրանիկ Մանուկյանը։

Թերթը հիշեցնում է նաև, որ երեկ տարածվել էին լուսանկարներ Սաակաշվիլիի կազմակերպած ցույցից, որտեղ հստակ երևում էին մասնակիցներ՝ հայկական դրոշներով։ Անդրանիկ Մանուկյանի համոզմամբ՝ կովկասցու արտաքինով և հայկական դրոշներով ցույցի մասնակիցներով լուսանկարները դեռ ապացույց չեն, որ մասնակիցները հայեր են։