Ուկրաինան Ռուսաստանի Կուրսկի մարզի ուղղությամբ «Տոչկա-Ու» է կիրառել։ Կուրսկի ատոմակայանը ուկրաինական երեք «Տոչկա-Ու» հրթիռներից հետո աշխատում է բնականոն ռեժիմով, կայանի տարածքում և նրա շրջակայքում ռադիացիոն ֆոնը նորմալ է, հայտնում են ատոմակայանում, գրում է ՌԻԱ Նովոստին։
Երկուշաբթի գիշերը հակաօդային պաշտպանության համակարգը Կուրսկի շրջանի վրա ուկրաինական «Տոչկա-Ու» մարտավարական հրթիռային համակարգի երեք հրթիռ է ոչնչացրել։
Ավելի վաղ Կուրսկի մարզի նահանգապետ Ռոման Ստարովոյտը հայտնել էր, որ նախնական տվյալներով ՀՕՊ համակարգերը ուկրաինական երեք հրթիռ են խոցել Ֆատեժսկի շրջանի երկնքում։«Այս գիշեր Կիևի ռեժիմի կողմից «Տոչկա-Ու» մարտավարական հրթիռային համալիրի հրթիռների օգտագործմամբ Ռուսաստանի Դաշնության տարածքում գտնվող թիրախների դեմ իրականացված ահաբեկչական հարձակման փորձը կանխվել է»,- ասվում է հայտարարության մեջ։
