Եղվարդի քաղաքապետ Նորիկ Սարգսյանը այն եզակի քաղաքապետներից է,ով անցնելով պատերազմ-խաղաղություն-քաղաքականություն ճանապարհը զգալի աշխատանքներ է կատարել Եղվարդ քաղաքը լավագույններից մեկը դարձնելու համար

Եղվարդի քաղաքապետ Նորիկ Սարգսյանը այն եզակի քաղաքապետներից է եղել, ով անցնելով պատերազմ-խաղաղություն-քաղաքականություն ճանապարհը զգալի աշխատանքներ է կատարել Եղվարդ քաղաքը հանրապետությունում լավագույններից մեկը դարձնելու համար: Նրա ջանքերով զարգացման նոր մակարդակի բարձրացվեց հանքարդյունաբերությունը, որի լավագույն ավանդույթներով Եղվարդը հայտնի էր դեռևս Խորհրդային Միության տարիներին: Նախկինում Եղվարդը գործազրկության մակարդակով բարձր էր հանրապետության միջին ցուցանիշից, որը  քաղաքապետ Սարգսյանի ջանքերով զգալի կրճատվեց: Մշակութային կյանքը Եղվարդում բավականին աշխույժ է, անցակացվում են նույնիսկ թատերական միջազգային փառատոն, կա մշակույթի կենտրոն, թատրոն, նոր վերանորոգված կինոթատրոն: Եղվարդ քաղաքը ակտիվ է եղել Արցախյան պատերազմի ժամանակահատվածում, չմոռանանք, որ արցախյան պատերազմի տարիներին Եղվարդը մշտապես եղել է պլացդարմ զենք-զինամթերքի, պարենային օգնության, զինուժի տեղափոխման համար: Ամփոփելով մեջբերենք քաղաքապետ Սարգսյանի խոսքերը` «Ընդհանուր առմամբ այն բոլոր խնդիրներն ու ծրագրերը, որոնք դրել էի իմ առջև պաշտոնավարման սկզբում, կարող եմ ասել, որ իրականացվել են: Սակայն սա չի նշանակում, որ քաղաքն այլևս խնդիրներ չունի: Իմ ղեկավարման  տարիների փորձառությունն ինձ թույլ է տալիս առավել լավ և խորը պատկերացնել քաղաքի խնդիրները, զարգացման ուղղություններն ու հեռանկարները: Իմ գործունեությանը գնահատական պետք է տամ ոչ թե ես, այլ Եղվարդ քաղաքի բնակիչները ում համար աշխատել եմ, և այն թիմը, որը հավաքվել է իմ շուրջը: