Ինչպե՞ս կընթանա քառյակի առաջիկա հանդիպումը

Քառյակի առաջիկա հանդիպումը կլինի վաղը: Այս մասին  լրագրողների հետ ճեպազրույցում տեղեկացրել է ՀԱԿ խմբակցության ղեկավար Լևոն Զուրաբյանը:

«Քառյակի օրակարգը ձևավորում է հետևյալ կերպ. բոլոր ուժերն անում են իրենց առաջարկներն օրակարգի վերաբերյալ, ձևավորվում է օրակարգ, և այդ օրակարգով սկսվում են քննարկել», — նշեց  Լևոն Լևոն Զուրաբյանը:

Հիշեցնենք, որ ՀԱԿ խմբակցության ղեկավարի այն ժամկետը, որ տվել էին իշխանություններին 12 կետերի հարցով, արդեն ավարտվում է: Այս մասին  Լևոն Զուրաբյանը ասաց.

«Ակնհայտ է, որ մեր պահանջները կամ ավելի ճիշտ է ասել՝ ժողովրդի պահանջներն իրագործված չեն, և պետք է արդեն մտածել մեր հետագա քայլերի մասին: Տեխնիկապես, իհարկե, մինչև սեպտեմբրի 30-ը հետագա քայլերի վերաբերյալ մենք իրավունք էլ չունենք ինչ-որ բան ասելու, որովհետև պետք է պահել ժամկետը: Տեսականորեն չի բացառվում, որ վերջին երեք օրվա ընթացքում կառավարությունը «ղռռալով» անցկացնի օրենքներ և ընդունի որոշումներ, որ պահանջել ենք, բայց սա իհարկե տեսականորեն: Դրա համար եմ ասում՝ պետք է ժամկետը պահվի, որից հետո կորոշենք մեր անելիքները, իսկ ապա ժամանակը կլինի որոշել նաև հանրահավաքի օրվա նշանակման մասին»:

lratvutyun.am

A*rman

Թողնել պատասխան

Ձեր էլ-փոստի հասցեն չի հրապարակվելու։