Երևանի քաղաքապետարանում աշխատանքային խոհրդակցության ժամանակ քաղաքապետ Հրաչյա Սարգսյանը անդադարձավ Աշտարակ-Դավթաշեն ճանապարհին՝ նշելով, որ թերություններ կան այնտեղ։
«Աշտարակ-Դավթաշեն խճուղում թերություններ կան, մենակ ե՞ս եմ տեսնում այդ թերությունները։ Դավթաշեն և Աջափնյակ վարչական շրջանների ղեկավարնե՛ր, այդ ճանապարհահատվածի սպասարկման համար առանձին մրցույթ էինք հայտարարում, որպեսզի ընթացիկ սպասարկում իրականցվի, որ ճանապարհի բորդյուրները չսկսկեն քիչ-քիչ քանդվել։ Ավտոմեքենայով, որ շրջեք, կտեսնեք՝ ներկման, աղբահանության աշխատանքներ կան, նշաններ կան, որ վթար է եղել, նշանը պառկած մնացել է, չենք վերականգնել։ Այս տեմպերով քիչ-քիչ ճանապարհը կմաշվի»,- ասաց քաղաքապետը։
Վերջինս նաև ընդգծեց, որ ճանապարհների ընթացիկ սպասարկման համար առաձին բյուջե են նախատեսել՝ հանձնարարելով վարչական շրջաների ղեկավարների զբաղվել այդ հարցով։