Չորեքշաբթի, 1 Փետրվարի, 2023
HomeԻրադարձայինԱՄՆ կոնգրեսականը Ադրբեջանին կոչ է արել անհապաղ ազատ արձակել բոլոր հայ ռազմագերիներին

ԱՄՆ կոնգրեսականը Ադրբեջանին կոչ է արել անհապաղ ազատ արձակել բոլոր հայ ռազմագերիներին

1lurer.am-ի փոխանցմամբ, այս մասին  սումգայիթյան ջարդերի 34-րդ տարելիցին նվիրված իր ելույթում հայտարարել է ԱՄՆ կոնգրեսական Ռաջա Կրիշնամուրթին։

Նա վերահաստատել է արցախյան հակամարտության տևական, խաղաղ ու ժողովրդավար լուծմանը հասնելու ԱՄՆ հանձնառությունը:

«2020 թ. սեպտեմբերին Ադրբեջանը Թուրքիայի աջակցությամբ ռմբակոծեց Արցախի Հանրապետությունը՝ թիրախավորելով հայկական դպրոցներն ու սրբավայրերը, սպանելով անմեղ քաղաքացիների: Մեկ տարի անց էլ Ադրբեջանը շարունակում է ապօրինաբար պահել հայ ռազմագերիներին՝ չնայած եռակողմ հայտարարության ստորագրմանը»,- նշել է Կրիշնամուրթին։

Կոնգրեսականը շեշտել է մարդկության դեմ հանցագործությունները հիշելու կարևորությունը: Նա հորդորել է Ադրբեջանի իշխանություններին համապատասխան քայլեր ձեռնարկել՝ հետագայում նման աղետներից խուսափելու համար։

«Կոչ եմ անում Ադրբեջանի կառավարությանը անհապաղ ու առանց նախապայմանների ազատ արձակել բոլոր հայ ռազմագերիներին ու գերեվարված քաղաքացիական անձանց»,- ընդգծել է Կրիշնամուրթին:

RELATED ARTICLES

Most Popular

Recent Comments

Բջջային՝ 099410009, 095510009