15 C
Yerevan
Երեքշաբթի, 11 Մայիսի, 2021

Անի Քալայջյան. Ամերիկյան հոգեբանների խումբը՝ Հայաստանում

- Advertisement -

Զրուցակիցս՝ «Իմաստալից աշխարհ» (Meaningful World). Հոգեկան տրավմայի/տագնապների իրազեկման և կանխարգելման» կազմակերպության հիմնադիր – նախագահ, Նյու Յորքի Կոլումբիայի համալսարանի հոգեբանության քոլեջի դոկտոր, պրոֆեսոր Անի Քալայջյանն է

Դոկտոր Անի, երկրաշարժից հետո այս այցն իր նշանակությամբ երկրորդ  հրատապ առիթն է, երբ օգնության կարիք է զգացվում արցախյան պատերազմի ելքով պայմանավորված հոգեկան ծանր տրավմայի մեջ գտնվող հայ հասարակությանը, թեև, գիտենք, որ մինչ այդ շատ եք եղել Հայաստանում: Ձեր այս այցի մասին ներկայացրեք մանրամասներ, խնդրեմ:Ապրիլի 28-ից մինչև մայիսի 17-ը «Իմաստալից աշխարհ». Հոգեկան տրավմայի/տագնապների իրազեկման և կանխարգելման» ամերիկյան կազմակերպության մեր թիմը մարդասիրական օգնության նպատակով, կամավորության սկզբունքով, հոգեբանական տրավմայի բուժման առաքելությամբ լինելու է Հայաստանում: Աշխատելու ենք պատերազմի մասնակիցների, նրանց ընտանիքների և ընդհանուր համայնքի հետ: Օգնելու ենք հիմնել ինքնասպանությունների կանխարգելման առաջին հեռախոսակապի համակարգը Հայաստանում: Աշխատելու ենք հոգեբուժության տարբեր գործիքակազմերի, այդ թվում՝ մեզ հետ բերած բույսերի միջոցով բուժել հոգեկան տրավմայի հետևանքները: Աշխատելու ենք Հայաստանի արտակարգ իրավունքների նախարարության (ԱԻն) հետ: Ինձ հետ Հայաստան են գալիս  «Իմաստալից աշխարհ»-ի դեսպաններ՝ Իշա Փարուփուդին, Իրեն Թանանյանը և Էլզա Թելլալիան: Մեր ծառայությունը լինելու է անվճար: Մենք լինելու ենք Գյումրիում և Վանաձորում, անցկացնելու ենք խորհրդաժողով Երևանի պետական համալսարանում, կազմակերպելու ենք սեմինարներ երիտասարդության շրջանում: Մենք մեր առաքելությունը կավարտենք Մոսկվայում, ուր հրավիրված ենք անցկացնելու հոգեկան տրավմայի ապաքինման վերաբերյալ սեմինարներ:

Հոգեկան տրավմայի ո՞ր տեսակներն են բնորոշ հայերին:

Կա հինգ տեսակի հոգեբանական տրավմա՝ անձնական, կոլեկտիվ, երկրորդային, հորիզոնական և սերնդային: Հայաստանին ավելի բնորոշ է վերջին երկուսը: “Հորիզոնական” տիպի հոգեկան տրավման բնորոշ է ճնշված ազգերին: Դարեր շարունակ, պետականություն չունենալու պատճառով, հայ ազգը ենթարկվել է տարաբնույթ ճնշումների: Անկարող լինելով դիմագրավել արտաքին թշնամական ճնշումներին, այդ բարկությունը մենք ուղղել ենք ներս՝ միմյանց դեմ, հատվածային թշնամանք ստեղծելով իրար նկատմամբ որևէ անհամաձայնության պատճառով: Հայերն ասում են, որ սա հայկական բնավորություն է: Դա այդպես չէ: Շատ երկրներ այս կարգի դժվարություններ ունեն՝ Պաղեստինը, Հայիթին, Սիերա Լիոնը և այլն: Այն երկրները, որոնք ընկճված պատմություն ունեն, միմյանց հետ են բախվում և այս կերպ ավելի են թուլանում: “Սերնդային” տագնապը կամ տրավման, ինչը բնորոշ է մեզ՝ որպես ցեղասպանություն վերապրած ազգ, փոխանցվում է սերնդե-սերունդ ժառանգականության սկզբունքով, ինչպես՝ շաքարախտը կամ սրտի հիվանդությունները: Պատմական ողբերգության պատճառով առաջացած զգացական տրավման, եթե այն բուժված չէ, պետք է անցնի 14 սերունդ, որպեսզի վերանա, սա ԴՆԹ-ով ապացուցված փաստ է:

Շատերը չեն հավատում, չեն դիմում հոգեբանի օգնությանը, ասելով թե «իմ հոգեբանը՝ ես եմ»: Որքանո՞վ է ճիշտ նման տեսակետը:

Շատ սխալ կարծիք է: Հոգեբուժման մեթոդները մշակվել են հարյուրամյա հետազոտությունների, փորձարկումների արդյունքում, և պետք է հավատալ, որ խեղված հոգեվիճակը անպայման պետք է բուժվի հոգեբույժ/հոգեբանի օգնությամբ, այլապես հիվանդությունը ավելի կխորանա:

Վերջին նորություններ

- Advertisement -

Գարիկ Սարգսյանի հրամանով անհիմն ազատում են աշխատանքից․ բուժհաստատության տնօրենն ահազանգում է

ՀՀ Պետական գույքի կառավարման կոմիտեի նախագահ Գարիկ Սարգսյանն որոշում է կայացրել աշխատանքից անհիմն ազատել Կուրորտաբանության և ֆիզիկական բժշկության գիտահետազոտական ինստիտուտ-ի տնօրենի ժամանակավոր պաշտոնակատար Տիգրան Վահրամյանին։...

Իմ եղբոր մասնակցությամբ որեւէ միջադեպ տեղի չի ունեցել․ Դավիթ Համբարձումյան

«Իմ եղբոր մասնակցությամբ որեւէ միջադեպ տեղի չի ունեցել, ոչ ձեր կողմից նշված համայնքում, ոչ էլ Մասիս քաղաքում։ Հրապարակված տեղեկությունը իրականությանը չի համապատասխանում»։ Այս մասին Irakanum.am-ի հետ...

Կապակցված նորություններ

Գարիկ Սարգսյանի հրամանով անհիմն ազատում են աշխատանքից․ բուժհաստատության տնօրենն ահազանգում է

ՀՀ Պետական գույքի կառավարման կոմիտեի նախագահ Գարիկ Սարգսյանն որոշում է կայացրել աշխատանքից անհիմն ազատել Կուրորտաբանության և ֆիզիկական բժշկության գիտահետազոտական ինստիտուտ-ի տնօրենի ժամանակավոր պաշտոնակատար Տիգրան Վահրամյանին։...

Իմ եղբոր մասնակցությամբ որեւէ միջադեպ տեղի չի ունեցել․ Դավիթ Համբարձումյան

«Իմ եղբոր մասնակցությամբ որեւէ միջադեպ տեղի չի ունեցել, ոչ ձեր կողմից նշված համայնքում, ոչ էլ Մասիս քաղաքում։ Հրապարակված տեղեկությունը իրականությանը չի համապատասխանում»։ Այս մասին Irakanum.am-ի հետ...
- Advertisement -