26.1 C
Yerevan
Երկուշաբթի, 21 Հունիսի, 2021

Արսեն Ղազարյանի շնորհիվ ՀՀ արդյունաբերողների և գործարարների միությունը դարձել է մեր երկրի ամենից կայացած կառույցներից մեկը

- Advertisement -

Հայ ժողովրդի աշխատասիրության, գործարար-ստեղծարար հատկությունների մասին շատերը գիտեն։

Հայի ստեղծագործ մտքին ծանոթ են նաև օտար ազգերը, որոնց հայրենի երկրներում կան հայի ձեռքով կառուցված գեղեցիկ ու արժեքավոր շինություններ, ճարտարապետական կոթողներ, կրթական հաստատություններ և այլն։

Ինչ վերաբերում է գործարարությանը, ապա համաշխարհային պատմությանը հայտնի են բազմաթիվ հայ հաջողակ բիզնեսմենների անուններ, որոնք տոն են տալիս միջազգային հեղինակավոր շուկաներում, որոնց հետ հաշվի են նստում, հարգում և որոնցից շատերը սովորում են (Քրք Քրքորյանից մինչև Ալեքսիս Օհանյան և նոր սերնդի բազում ներկայացուցիչներ)։

Հայաստանի արդյունաբերողների և գործարարների միության առաքելությունը մի կողմից հայաստանյան ներուժի խթանումն է, ոլորտի կազմակերպումն ու զարգացումն է, մյուս կողմից՝ համագործակցության ստեղծումն ու կապերի զարգացումն է ինչպես Սփյուռքում ապրող հայ գործարարների, այնպես էլ միջազգային համանման կառույցների և ազդեցիկ գործիչների հետ։Միայն ենթադրել կարելի է, թե ինչ ահռելի աշխատանք, ջանք ու նվիրում է պահանջում այս ամենը։

Եվ, պատկերացրեք, այդ բոլոր գործընթացները ոչ միայն հաջողությամբ կազմակերպում և իրականացնում, այլ նաև ծրագրային նոր ու արդյունավետ նախաձեռնություններով առաջ է տանում Հայաստանի արդյունաբերողների և գործարարների միության 20 տարվա անընդմեջ նախագահ Արսեն Ղազարյանը։ Մարդ, որի աշխատանքի արդյունավետությունը պետք է չափել նրա պաշտոնավարման տևականությամբ, բայց որ ամենից կարևորն է՝ կատարված աշխատանքի համալիր արդյունավետությամբ ու հեռանկարայնությամբ։

Իր գործունեության ընթացքում Արսեն Ղազարյանը աջակցել է նաև Արցախ աշխարհին, իրականացրել տարբեր օգտակար ու հեռանկարային ծրագրեր Արցախի գործարարների հետ, ինչը ևս բարձր գնահատանքի է արժանի և վկայում է սրտացավ հայորդու գործունեության լայն սպեկտրի, բազմատարրության ու պետական մտածողության մասին։

Արսեն Ղազարյանն իր պրպտուն մտքով, հայրենի արդյունավերության ու գործարար միջավայրի զարգացման սրտացավությամբ, ամենօրյա ճիգ ու ջանքով, կարողացել է կայացնել այդ հույժ կարևոր կառույցը։ Առանց ավելորդ չափազանցության կարելի է փաստել, որ Հայաստանի արդյունաբերողների և գործարարների միությունը մեր հանրապետության ամենից կայացած կառույցներից մեկն է, և, վստահաբար, նաև Արսեն Ղազարյանի հմուտ ղեկավարության շնորհիվ։

Եվ մենք հաստատ ականատես ենք լինելու հայ գործարարների Ոսկեդարին։

Նկատի առնենք նաև այն կարևոր փաստը, որ քաղաքական ու տնտեսական ալեկոծությունների ժամանակ առաջիններից մեկը տուժում է հենց գործարար միջավայրը, խոցելի են դառնում գործարարն ու ձեռներեցը։

Այս ոլորտն ունի իր առանձնահատկությունները, քմահաճություններն ու դժվարությունները, ինչը պահանջում է մշտարթուն, պրոֆեսիոնալ, գերարդյունավետ ու օպերատիվ մոտեցում։ Ուղիղ 20 տարի հենց այդ առաքելությունն է պատվում կատարում Արսեն Ղազարյանը, որի 60-ամյակն, ի դեպ, լրացավ այս տարվա փետրվարին։

«Մեր Միությունը չպետք է լինի ջրբաժան, այլ դառնալու է կամուրջ գործարարության և իշխանության միջև,- մշտապես շեշտում է Արսեն Ղազարյանը,- մենք պետք է ձևավորենք գործարարություն-իշխանություն երկխոսությունը՝ ի շահ հայոց պետականության»:  

«Գործն է անմահ, լա՛վ իմացեք,
որ ապրում է դարեդար,
Երնեկ նրան, ով իր գործով
կապրի անվերջ, անդադար․․․»

Թումանյական այս հայտնի մտքո՛վ ու ոգո՛վ է ապրում Արսեն Ղազարյանը, որի համար Հայաստանը աշխարհի կենտրոնն է։ Այդպե՛ս է, և այդպես պիտի մտածի յուրաքանչյուր հայրենատեր, նվիրյալ հայորդի, եթե ցանկանում ենք, որ Հայաստանը դառնա վստահելի, արժանապատիվ ու իրավահավասար գործընկեր Աշխարհի համար։


Վերջին նորություններ

Փաշինյանն ուղիղ եթերում է. ՈՒՂԻՂ ՄԻԱՑՈՒՄ

ՔՊ գրասենյակ այցելած Նիկոլ Փաշինյանն այս պահին ուղիղ եթերով դիմում է ընտրողներին:
- Advertisement -

Տեղամասերում ԲՀԿ-ն բացարձակ առաջատար է»․ տվյալներ

Բազմաթիվ տեղամասերում ԲՀԿ-ն բացարձակ առաջատար է։ Այս մասին հայտնում է ԲՀԿ պատգամավոր Իվետա Տոնոյանը՝ ներկայացնելով տվյալներ տեղամասերից։

Տիգրան Մուկուչյանը ներկայացրեց ընտրողների թիվը

2021 թվականի Ազգային ժողովի արտահերթ ընտրություններին քվեարկելու իրավունք ունեցող 2 միլիոն 593 հազար 572 անձից քվեարկությանը մասնակցել են 1,281,174 անձ, ընդհանուր ընտրողների 49,4 %-ը: Տվյալները...

«Ես իմ ընտրությունը կատարել եմ դեռևս 33 տարի առաջ». Սերժ Սարգսյան

ՀՀ 3-րդ նախագահ Սերժ Սարգսյանն ընտրատեղամաս էր եկել թոռնիկի հետ: Լրագրողների հետ զրույցի ժամանակ հայտարարեց, որ իր ընտրությունը կատարել է դեռևս 33 տարի առաջ....

Կապակցված նորություններ

Փաշինյանն ուղիղ եթերում է. ՈՒՂԻՂ ՄԻԱՑՈՒՄ

ՔՊ գրասենյակ այցելած Նիկոլ Փաշինյանն այս պահին ուղիղ եթերով դիմում է ընտրողներին:

Տեղամասերում ԲՀԿ-ն բացարձակ առաջատար է»․ տվյալներ

Բազմաթիվ տեղամասերում ԲՀԿ-ն բացարձակ առաջատար է։ Այս մասին հայտնում է ԲՀԿ պատգամավոր Իվետա Տոնոյանը՝ ներկայացնելով տվյալներ տեղամասերից։

Տիգրան Մուկուչյանը ներկայացրեց ընտրողների թիվը

2021 թվականի Ազգային ժողովի արտահերթ ընտրություններին քվեարկելու իրավունք ունեցող 2 միլիոն 593 հազար 572 անձից քվեարկությանը մասնակցել են 1,281,174 անձ, ընդհանուր ընտրողների 49,4 %-ը: Տվյալները...

«Ես իմ ընտրությունը կատարել եմ դեռևս 33 տարի առաջ». Սերժ Սարգսյան

ՀՀ 3-րդ նախագահ Սերժ Սարգսյանն ընտրատեղամաս էր եկել թոռնիկի հետ: Լրագրողների հետ զրույցի ժամանակ հայտարարեց, որ իր ընտրությունը կատարել է դեռևս 33 տարի առաջ....
- Advertisement -