Շաբաթ, 28 Հունվարի, 2023
HomeԻրադարձայինԱրցախ մեկնելու փոխարեն նախընտրել միկոնոսյան գերթանկարժեք հանգստավայրում լինել. տեղեկություններ կան, որ բուքմեյքերական...

Արցախ մեկնելու փոխարեն նախընտրել միկոնոսյան գերթանկարժեք հանգստավայրում լինել. տեղեկություններ կան, որ բուքմեյքերական գրասենյակներից մեկի ղեկավարն է ծախսերը փակել

ԱԺ նիստը մեկնարկեց ՀՀ օրհներգով: Վարման կարգով ելույթ ունեցավ «Հայաստան» խմբակցության պատգամավոր Արեգնազ Մանուկյանը՝ ԱԺ նախագահ Ալեն Սիմոնյանին հիշեցնելով՝ հնչեց այն օրհներգը, որը Սիմոնյանը ջանադրաբար փորձում էր փոխել:

«Պարո՛ն Սիմոնյան, որպես խորհրդարանի նիստեր վարող՝ Դուք նախորդ նիստերում գերազանցել եք Ձեր լիազորությունները և կամայականորեն կիրառել ԱԺ կանոնակարգի դրույթները: Հուսով եմ, որ հետայսու այդպես չի լինի, քանի որ ենթադրվում է, որ այն օրերին ինչ-ինչ պատճառներով լարված եք եղել, իսկ հիմա, դատելով համացանցում առկա Ձեր ու Ձեր ընկերների՝ միկոնոսյան գերթանկարժեք հանգստի ու դիսկոտեկային ժամանցների կադրերից, լարվածությունն անցած պետք է լինի»,-ասաց պատգամավորը:
Ըստ նրա՝ ուշագրավ է, որ պատերազմի զոհերի, անհետ կորածների ու գերիների հարազատների հետ հանդիպման ժամանակ Սիմոնյանը նշել է, որ շատ ծանր է տանում այդ ամենը:
«Բայց, փաստորեն, շատ բարձր տրամադրությամբ հանգիստ եք անցկացրել Հունաստանում»,-ասաց Արեգնազ Մանուկյանը:
Այնուհետև Մանուկյանը նաև հարց ուղղեց Սիմոնյանին՝ հիշեցնելով, որ սեպտեմբերի 2-ին՝ Արցախի Հանրապետության անկախության օրը, ՀՀ բարձրաստիճան որևէ պաշտոնյա, այդ թվում՝ Ալեն Սիմոնյանը, այդ օրն Արցախ չի գնացել:
«Փոխարենը՝ մենք Ձեզ ու ՔՊ-ն ներկայացնող ևս երկու պատգամավորի տեսանք հունական կղզում, գերթանկարժեք հանգստավայրում ուրախ ժամանց անցկացնելիս: Ինչու՞ Արցախ մեկնելու փոխարեն նախընտրել եք միկոնոսյան հանգիստը: Արցախ չմեկնելու պատճառն Ալիևի արգե՞լքն է ու գերի ընկնելու վա՞խը»,-ասաց նա:
Սիմոնյանն արձագանքեց՝ Արցախ մեկնել է պատվիրակություն:
Մանուկյանը շարունակեց հարցը. «Դատելով Ձեր եկամուտների հայտարարագրից՝ Դուք և Ձեր ընկերները պետք է որ չկարողանայիք այդքան թանկարժեք տեղում հանգստանալ: Խնդրում եմ ասել՝ որքա՞ն գումար եք ծախսել Հունաստանում: Տեղեկություններ կան, որ բուքմեյքերական գրասենյակներից մեկի ղեկավարն է Ձեր ծախսերը փակել, ինչը հաստատվելու դեպքում ստանում ենք դասական կոռուպցիայի դեպք»:
Սիմոնյանն արձագանքեց՝ իր մասնավոր կյանքը չի մեկնաբանում:

RELATED ARTICLES

Most Popular

Recent Comments

Բջջային՝ 099410009, 095510009