Շաբաթ, 28 Հունվարի, 2023
HomeԻրադարձայինԵԱՀԿ-ն հստակ և հասցեական չի արձագանքում մարդու իրավունքների և միջազգային իրավունքի հիմնարար...

ԵԱՀԿ-ն հստակ և հասցեական չի արձագանքում մարդու իրավունքների և միջազգային իրավունքի հիմնարար սկզբունքների խախտումներին․ ՄԻՊ-ը՝ ԵԱՀԿ նախագահին

Ապրիլի 1-ին Արցախի Հանրապետության մարդու իրավունքների պաշտպան Գեղամ Ստեփանյանը Երևանում հանդիպում է ունեցել ԵԱՀԿ գործող նախագահ, Լեհաստանի արտաքին գործերի նախարար Զբիգնև Ռաուի հետ։
1 ապրիլի, 2022, 21:16
ԵԱՀԿ-ն հստակ և հասցեական չի արձագանքում մարդու իրավունքների և միջազգային իրավունքի հիմնարար սկզբունքների խախտումներին․ ՄԻՊ-ը՝ ԵԱՀԿ նախագահին
ԵԱՀԿ-ն հստակ և հասցեական չի արձագանքում մարդու իրավունքների և միջազգային իրավունքի հիմնարար սկզբունքների խախտումներին․ ՄԻՊ-ը՝ ԵԱՀԿ նախագահին:
Այս մասին տեղեկանում ենք ԱՀ ՄԻՊ-ի ֆեյսբուքյան էջից։
Պաշտպանը ներկայացրել է Ադրբեջանի կողմից համակարգված, ուղղորդված և հետևողականորեն իրականացվող էթնիկ զտման քաղաքականությունը, որը նպատակ է հետապնդում հայրենազրկելու Արցախի ժողովրդին, ինչպես նաև բռնազավթված տարածքներում հայկական մշակութային ժառանգության ոչնչացման և վանդալիզմի դրսևորումները, հայ ռազմագերիների և գերեվարված քաղաքացիական անձանց նկատմամբ անօրինական դատավարությունները և միջազգային մարդասիրական իրավունքի և մարդու իրավունքների այլ խախտումները։
Գեղամ Ստեփանյանն անդրադարձել է Արցախում առկա հումանիտար իրավիճակին և Ադրբեջանի կողմից վարվող հայատյաց քաղաքականության հետևանքով Արցախի ժողովրդի իրավունքների լայնածավալ խախտումներին՝ մատնանշելով վերջին օրերին գազամատակարարման դիտավորյալ խափանման և Ադրբեջանի ռազմական ագրեսիայի պատճառով առաջացած խնդիրները։
Պաշտպանն ափսոսանք է հայտնել մարդու իրավունքների և միջազգային իրավունքի հիմնարար սկզբունքների արձանագրվող խախտումների նկատմամբ ԵԱՀԿ-ի հստակ և հասցեական արձագանքի բացակայության առթիվ՝ շեշտելով, որ ստեղծված իրավիճակում միջազգային հանրությունը պետք է հանդես գա ոչ միայն որպես միջնորդ, այլև որպես Արցախի ժողովրդի իրավունքների պաշտպանության երաշխավոր։
Գեղամ Ստեփանյանը նշել է, որ վերջին զարգացումները վկայում են, որ Արցախում մարդու հիմնարար իրավունքների և ազատությունների արդյունավետ պաշտպանության համար անհրաժեշտ է հակամարտության շուտափույթ և համապարփակ կարգավորում և Արցախի կարգավիճակի հարցի որոշում՝ հիմնված Արցախի ժողովրդի ազատ կամարտահայտության և ինքնորոշման իրավունքի վրա։

RELATED ARTICLES

Most Popular

Recent Comments

Բջջային՝ 099410009, 095510009