Ուրբաթ, 25 Նոյեմբերի, 2022
HomeԻրադարձայինԵթե հանձնենք Իշխանասարը՝ խնդիրներ կունենանք. կանխարգելիչ քայլեր վաղուց պետք է իրականացնեին. Մովսես...

Եթե հանձնենք Իշխանասարը՝ խնդիրներ կունենանք. կանխարգելիչ քայլեր վաղուց պետք է իրականացնեին. Մովսես Հակոբյան

Չեմ կարող ասել, թե ներկա պահին ընթացող բանակցությունները ինչ արդյունք կտան: Այս մասին ԼՈՒՐԵՐ.com-ի հետ զրույցում ասաց ԶՈՒ ԳՇ նախկին պետ, գեներալ-գնդապետ Մովսես Հակոբյանը։ Նա Սյունիքում տեղի ունեցածը որակեց որպես խայտառակություն։

«Եթե հանձնենք Իշխանասարը՝ խնդիրներ կունենանք: Այն իշխող բարձունք է, որն ամբողջությամբ վերահսկում է Սիսիանի օդանավակայանն ու մայրուղին, որը Սարավանից տանում է մինչև Գորիս, այնուհետև Կապան։ Այդ ամբողջ տարածքը մեր ժողովրդի համար նաև որպես արոտավայր է ծառայում»,- նշեց Մովսես Հակոբյանը։

Վերջինս այն կարծիքին է, որ ռազմաքաղաքական իշխանությունները պետք է թույլ չտային, որ իրավիճակը հասներ այս կետին՝ այսօր էլ չբանակցեին. «Իմանալով այդ բարձունքի կարևորության մասին՝ մենք այնտեղ պետք է վաղուց դիրքավորված լինեինք: Նախօրոք պիտի կանխարգելիչ գործողություններ իրականացնեինք: Իշխանասարը ազատ է եղել, ադրբեջանցիներն էլ եկել են, նստել սարին»,- ընդգծեց Մովսես Հակոբյանը։

RELATED ARTICLES

Most Popular

Recent Comments

Բջջային՝ 099410009, 095510009