Հինգշաբթի, 24 Նոյեմբերի, 2022
HomeԻրադարձայինԵղցահողից ՊԲ զինծառայողները դուրս են բերվել, գյուղը պաշտպանող չկա, իսկ ադրբեջանցիները դիրքավորվում...

Եղցահողից ՊԲ զինծառայողները դուրս են բերվել, գյուղը պաշտպանող չկա, իսկ ադրբեջանցիները դիրքավորվում են. գյուղապետ

Գյուղի պաշտպանությունն այս պահին հանձնված է ռուս խաղաղապահներին, սակայն մեր զինծառայողների հեռանալուց հետո ռուսները մեկ ժամ մնացել են, իրենց դրոշը թողել դիրքում և հեռացել, գյուղն այս պահին անպաշտպան է: Այս մասին Tert.am-ի հետ զրույցում ասաց Շուշիի շրջանի Եղցահողի գյուղապետ Արտակ Հակոբյանը:

«Մեր զինծառայողներին դիրքերից երեկ են իջեցրել, ռուս խաղաղապահների ներկայությամբ, մեզ տեղեկացրել են, որ իրենք են իրականացնելու պարեկային ծառայություն: Դա նշանակում է, որ շուրջօրյա չեն հերթապահելու, հերթապահությունը կազմակերպելու են շրջայցերով: Մենք խնդրել ենք, որ հերթապահությունը լինի շուրջօրյա, սակայն այս պահի դրությամբ դեռ նորություն չկա»,– ասաց նա:

Հարցին՝ ինչ պատճառաբանությամբ են ՊԲ զինծառայողներին հեռացրել դիրքերից, գյուղապետը պատասխանեց. «Մեզ ասացին, որ պայմանավորվածություն է եղել երկու կողմերի միջև, որ ադրբեջանական կողմը 3 կմ հետ պետք է քաշվի իր զբաղեցրած դիրքերից, հայկական կողմն էլ պետք հանի մեր զինծառայողներին, իսկ սահմանը պետք է հսկեն ռուս խաղաղապահները: Փաստորեն միայն մենք ենք կատարել մեր պայմանավորվածությունը, որովհետև ո՛չ խաղաղապահները կան, ո՛չ էլ ադրբեջանցիները հետ են քաշվել: Ավելին՝ այս պահի դրությամբ ադրբեջանական կողմը խրամատավորվում է, մեկ ժամ առաջվա դրությամբ ինժեներական աշխատանքներ էին կատարում»:

Արտակ Հակոբյանը նշեց, որ գյուղի բնակելի տներից ադրբեջանական կողմից հեռավորությունը 3 կմ է:

Հարցին՝ որքան բնակիչ կա գյուղում այս պահին, գյուղապետը պատասխանեց. «Այս պահին գյուղում կա 45 ընտանիք, 140 բնակչությամբ: Պատերազմի օրերին անգամ բնակչությունը մնացել է գյուղում, տեղահանություն բացարձակապես չի եղել»:

RELATED ARTICLES

Most Popular

Recent Comments

Բջջային՝ 099410009, 095510009