Ուրբաթ, 25 Նոյեմբերի, 2022
HomeԻրադարձայինՀայաստանը եռակողմ հայտարարությունից կարող է դուրս գալ մեկ դեպքում

Հայաստանը եռակողմ հայտարարությունից կարող է դուրս գալ մեկ դեպքում

Իրավապաշտպան Լարիսա Ալավերդյանը զրույցում անդրադարձավ գերիների վերադարձի հարցին։ Նրա խոսքով՝ եռակողմ հայտարարությունից 10 ամիս անց ոչ միայն խախտվում են այդ հայտարարության դրույթները, այլ նոր պահանջներ են ավելացվում դրանում՝ ուղղված Հայաստանին։ «Ադրբեջանի կողմից Հայաստանի հանդեպ նոր պահանջներ են ի հայտ գալիս, որոնք չկային նոյեմբերի 9-ի ստորագրած այդ չարաբաստիկ եռակողմ հայտարարության մեջ»,- ասաց Ալավերդյանը։

Ըստ նրա՝ Հայաստանն այդ հայտարարությունից կարող է դուրս գալ մեկ դեպքում․ «Երբևիցե դու չես կարող նման քայլ անել, եթե ձեռք չես բերել այնպիսի ուժեղ գործընկերներ, որոնք կանեն ուրիշ բան, քան հիմա արվում է Ռուսաստանի կողմից»։

«Ըստ էության Ադրբեջանը նորից պահանջներ ունի, և ըստ երևույթին Հայաստանը չի իրականացնում այդ պահանջները։ Ես ասեմ, թե ինչու եմ այդպես կարծում։ Վերջերս Զախարովան իր խոսքի մեջ ասաց, որ՝ մենք կողմնակից ենք, որ Հայաստանն ու Ադրբեջանն իրականացնեն փոխանակումը՝ բոլորը բոլորի դիմաց, գումարած ականապատված քարտեզները։ Ես զարմացա, այսինքն՝ դա հստակ խոսում է այն մասին, որ Ադրբեջանը տեղյակ է պահել Ռուսաստանին, որ ուղղակի չի վերադարձնելու ոչ մեկին, եթե չշարունակվի այդ առևտուրը՝ գերիների վերադարձը քարտեզների դիմաց։ Ոչ միայն նոյեմբերի 9-ի հայտարարությունը, այլ նաև հիմա ինչ տեղի է ունենում, ինչքան մենք հասկանում ենք, տեղի է ունենում Ադրբեջանի ու Թուրքիայի պահանջով։ Ադրբեջանը նոր կետեր է ավելացնում հայտարարությունում։ Ռուսաստանն ըստ էության չի դիմադրում դրան, հակառակը, տվյալ դեպքում հենց Ռուսաստանն արտահայտում է այդ վիճակի մասին։ Այսինքն՝ Ռուսաստանը չի խոսում այն մասին, որ դա ամբողջովին իրավունքի ոտնահարում է, առևտուր է, որ դա արգելված է»,- ասաց Ալավերդյանը։

RELATED ARTICLES

Most Popular

Recent Comments

Բջջային՝ 099410009, 095510009