17 C
Yerevan
Երեքշաբթի, 11 Մայիսի, 2021

Հայաստանի ֆուտբոլի հավաքականը շարունակում է հաղթարշավը

- Advertisement -

Հայաստանի ֆուտբոլի ազգային հավաքականը երրորդ անընդմեջ հաղթանակը տոնեց աշխարհի 2022 առաջնության ընտրական մրցաշարում: Չորեքշաբթի երեկոյան Երևանի Վազգեն Սարգսյանի անվան հանրապետական մարզադաշտում Հայաստանի ընտրանին 3:2 հաշվով առավելության հասավ Ռումինիայի թիմի նկատմամբ:

Դրամատիկ հանդիպման հաշիվը 56-րդ րոպեին բացեց Հայաստանի հավաքականի նորեկ, Ռուսաստանի «Կրասնոդար» ակումբի ֆուտբոլիստ Էդուարդ Սպերցյանը, ով փոխարինման էր դուրս եկել երկրորդ խաղակեսի մեկնարկին: Ռումինիայի հավաքականը նախ 62-րդ րոպեին հավասարեցրեց հաշիվը, իսկ 10 րոպե անց ևս մեկ գնդակ խփեց. երկու գոլերի հեղինակն էլ Ալեքսանդրու Չիկալդաուն էր: 78-րդ րոպեին մրցավարը Գեորգե Պուշկաշին կոպիտ խաղի համար հեռացրեց խաղադաշտից, և հյուրերը մնացին 10 ֆուտբոլիստով: 87-րդ րոպեին Վարազդատ Հարոյանը հավասարեցրեց հաշիվը, երկու րոպե անց էլ Տիգրան Բարսեղյանը 11-մետրանոցից խփեց հաղթական գնդակը՝ ռումինացիները տուգանային հրապարակում վայր էին գցել Սպերցյանին:

Հայաստանի հավաքականը հաղթել է ընտրական մրցաշարի բոլոր երեք հանդիպումներում և առավելագույն՝ 9 միավորով միանձնյա գլխավորում է J խմբի աղյուսակը:

Նշենք, որ երեք խաղերն էլ վնասվածքի պատճառով բաց թողեց թիմի առաջատար և ավագ Հենրիխ Մխիթարյանը:

Նույն օրն ավելի ուշ J խմբում Գերմանիա — Հյուսիսային Մակեդոնիա հանդիպումն ավարտվեց հյուրերի հաղթանակով՝ 2։1 հաշվով, Լիխտենշտեյնը սեփական հարկի տակ 1։4 հաշվով զիջեց Իսլանդիային:

Երրորդ տուրից հետո խմբի մրցաշարային աղյուսակում 6-ական միավորով Հայաստանին հաջորդում են Հյուսիսային Մակեդոնիան և Գերմանիան, Ռումինիան և Իսլանդիան 3-ական միավորով կիսում են 4-5-րդ տեղերը, աղյուսակը եզրափակում է Լիխտենշտեյնը, որն առայժմ միավոր չի վաստակել:

Չորրորդ տուրի հանդիպումները կկայանան արդեն աշնանը՝ սեպտեմբերի 2-ին Խոակին Կապառոսի սաները կհյուրընկալվեն Հյուսիսային Մակեդոնիային:

Վերջին նորություններ

- Advertisement -

Գարիկ Սարգսյանի հրամանով անհիմն ազատում են աշխատանքից․ բուժհաստատության տնօրենն ահազանգում է

ՀՀ Պետական գույքի կառավարման կոմիտեի նախագահ Գարիկ Սարգսյանն որոշում է կայացրել աշխատանքից անհիմն ազատել Կուրորտաբանության և ֆիզիկական բժշկության գիտահետազոտական ինստիտուտ-ի տնօրենի ժամանակավոր պաշտոնակատար Տիգրան Վահրամյանին։...

Իմ եղբոր մասնակցությամբ որեւէ միջադեպ տեղի չի ունեցել․ Դավիթ Համբարձումյան

«Իմ եղբոր մասնակցությամբ որեւէ միջադեպ տեղի չի ունեցել, ոչ ձեր կողմից նշված համայնքում, ոչ էլ Մասիս քաղաքում։ Հրապարակված տեղեկությունը իրականությանը չի համապատասխանում»։ Այս մասին Irakanum.am-ի հետ...

Կապակցված նորություններ

Գարիկ Սարգսյանի հրամանով անհիմն ազատում են աշխատանքից․ բուժհաստատության տնօրենն ահազանգում է

ՀՀ Պետական գույքի կառավարման կոմիտեի նախագահ Գարիկ Սարգսյանն որոշում է կայացրել աշխատանքից անհիմն ազատել Կուրորտաբանության և ֆիզիկական բժշկության գիտահետազոտական ինստիտուտ-ի տնօրենի ժամանակավոր պաշտոնակատար Տիգրան Վահրամյանին։...

Իմ եղբոր մասնակցությամբ որեւէ միջադեպ տեղի չի ունեցել․ Դավիթ Համբարձումյան

«Իմ եղբոր մասնակցությամբ որեւէ միջադեպ տեղի չի ունեցել, ոչ ձեր կողմից նշված համայնքում, ոչ էլ Մասիս քաղաքում։ Հրապարակված տեղեկությունը իրականությանը չի համապատասխանում»։ Այս մասին Irakanum.am-ի հետ...
- Advertisement -