Չորեքշաբթի, 5 Հոկտեմբերի, 2022
Home Քաղաքականություն Հնարավոր է հետ բերել Հադրութը և Շուշին․ երբ իշխանությունը լինի մեր ձեռքում,...

Հնարավոր է հետ բերել Հադրութը և Շուշին․ երբ իշխանությունը լինի մեր ձեռքում, հնարավոր է բանակցային գործընթացով հասնենք այդ տարածքների վերադարձին. Օհանյան

Մեր իշխանությունները որոշումներն ընդունում են փորձարկումների և սխալների մեթոդով, խելացի անձնավորությունը այդ որոշումներն ընդունում է՝ հաշվի առնելով ուրիշի սխալները, բայց մեր պետության սխալները անընդհատ կրկնվում են։ Այս մասին լրագրողների հետ ճեպազրույցի ընթացքում ասաց ԱԺ «Հայաստան» խմբակցության ղեկավար, ՊՆ նախկին նախարար Սեյրան Օհանյանը։

«Իշխանություններն առաջնորդվում են փորձը փորձանք չէ սկզբունքով, բայց պրակտիկան ցույց տվեց, որ այն փորձերը, որ եղան մեր իշխանությունների մոտ, բերեցին ահռելի փորձանքի»,– ասաց նա։

Սեյրան Օհանյանը, անդրադառնալով սահմանների դեմարկացիային, դելիմիտացիային և զորքերի հայելային հետքաշման մասին հայտարարություններին, նշեց.

«Մենք արդեն մեկ անգամ բանավոր ցուցմամբ, պատերազմական գործողությունները կանգնելուց հետո հետ ենք քաշել մեր զորքերը Սյունիքի հատվածում, այնուհետև հակառակորդը եկավ, կանգնեց սահմանին, սադրանքներ կազմակերպեց և մխրճվեց մեր տարածք։ Հիմա ի՞նչ է նշանակում հայելային հետքաշում, որտե՞ղ, ամբողջ սահմանով մե՞կ, թե այն հատվածներում, որտեղ հակառակորդը մխրճվել է, եթե հակառակորդի մխրճված տարածքների մասին է խոսքը, ապա հակառակորդը ինքը պետք է միակողմանի հետ քաշվի»։

Սեյրան Օհանյանը շեշտեց, որ եթե չստիպեն Ադրբեջանին հետ քաշվել, ապա պետք է օգտագործել ՀԱՊԿ-ի ռազմական բաղադրիչները։ «Սահմանագծման և սահմանազատման խնդիրները լուծելու համար թշնամի պետությունները պետք է վերածվեն հարևան պետությունների, ստեղծվի երկու հարևան պետությունների խառը հանձնաժողով, որը պետք է համապատասխան աշխատանք տանի։ Ադրբեջանը իր հոխորտանքներով և երկրի ղեկավարի հռետորաբանությամբ մեզ համար հարևա՞ն է»։

Խոսելով ՀԱՊԿ-ի գործունեության և Ղազախստանի օրինակով Հայաստանին օգնություն տրամադրելու հնարավորությունների մասին, Օհանյանը ասաց, որ ՀԱՊԿ-ում ռազմական կոմպոնենտի զարգացման ուղղությամբ համապատասխան գործընթացներ են իրականացվել, առաջինը օպերատիվ արձագանքման հավաքական ուժերն են, առաջարկությունը ի սկզբանե եղել է Ղազախստանինը, բայց Հայաստանն այնտեղ լուրջ ներդրում է ունեցել։

«Մյուս կոմպոնենտը` ռազմական կոմիտեն, որի անդամ են ԳՇ պետերը, մեր առաջարկությամբ է ձևավորվել, խաղաղապահ ուժերը ձևավորվել են Հայաստանի խաղաղապահ ուժերի բրիգադային օրինակով։ Սա նշանակում է, որ ՀՀ իշխանությունները համապատասխան միջոցներ պետք է ձեռնարկեն ՀԱՊԿ-ի խնդիրները գործարկելու ուղղությամբ։ Համեմատության առումով բավականին լուրջ աշխատանք է կատարվել ՀԱՊԿ-ի ռազմական կոմպոնենտի զարգացման ուղղությամբ մինչև Նիկոլ Փաշինյանի իշխանության գալը, իսկ նրա իշխանության օրոք, երբ խնդիրը վերաբերել է Հայաստանին, իրենք ոչ մի բան չեն արել, բացի քննարկումներ կազմակերպելուց, երբ խնդիրը վերաբերվել է այլ հատվածներին, միանգամից այդ մեխանիզմը աշխատել է։ Այդ մեխանիզմի աշխատելու մեջ Նիկոլ Փաշինյանի կատարած աշխատանքը տեխնիկական բնույթի է»,– ասաց նա։

Սեյրան Օհանյանը նշեց, որ նախկինում ստիպել են և ՀԱՊԿ-ի ղեկավարությունը եղել է ՀՀ սահմաններում և այնտեղից հայտարարություն է արել։ «Մենք ունեցել ենք բանակ, որն իր առջև դրված խնդիրը պաշտպանության խնդիրներում իրականացրել է։ Այն ժամանակ ՀԱՊԿ-ը ավելի գլխավոր խնդիրների համար է նախատեսված եղել, Թուրքիայի կողմից սպառնալիքի դեպքում արձագանքելու։ Ես նախկինում հայտարարել եմ, որ հայ-ադրբեջանական սահմանին միջադեպերի համար նույնիսկ ամոթ է դիմել ՀԱՊԿ-ին, քանի որ մեր Զինված ուժերն իրենց խնդիրները իրականացրել են։ Այլ իրավիճակ է հիմա, 44-օրյա պատերազմի պարտությունից հետ, երբ ակնհայտ է, որ մեր անվտանգության խնդիրները միայնակ չենք կարող լուծել»,– ասաց նա։

«Հայաստան» խմբակցության ղեկավարը նշեց, որ ամեն ինչ պետք է անել խաղաղության հասնելու համար, բայց դա չպետք է լիներ Հայաստանի շահերի հաշվին։

Հարցին` տեսականորեն հանարավո՞ր է, որ ադրբեջանցիները հեռանան Գորիս-Կապան ճանապարհից, Օհանյանը պատասխանեց. «Տեսականորեն ամեն ինչ հնարավոր է, հնարավոր է, որ Արցախում վերականգնվեն Արցախի Հանրապետության ժողովրդի իրավունքները Հադրութում, Շուշիում, մասամբ նաև Մարտունի, Ասկերան, Մարտակերտ հատվածներում, դրա համար պետք է բանակցել։ Այդ ամենը իրականացնելու համար պետք է ունենալ լծակներ, որն ունի քաղաքական մեծամասնությունը։ Երբ իշխանությունը լինի մեր ձեռքում, հնարավոր է պայմանագրային և բանակցային ամբողջ գործընթացով հասնել այդ տարածքների վերադարձին։ Մեխանիզմը բանակցություններն են, Արցախի հարցում ընթացող ԵԱՀԿ Մինսկի բանակցություններն են, որը պարունակում է մարտավարական և ռազմավարական լուրջ քայլեր, տեխնիկական և գաղափարական հնարքների կիրառում»,- ասաց Սեյրան Օհանյանը։

RELATED ARTICLES

Իրանը տարածաշրջանի աշխարհաքաղաքականության մեջ որևէ փոփոխություն չի ընդունի. Ռաիսին Փաշինյանի հետ քննարկել է Լեռնային Ղարաբաղում վերջին սրացումները

Իրանի նախագահ Էբրահիմ Ռաիսին ՀՀ վարչապետ Նիկոլ Փաշինյանի հետ հեռախոսազրույցում ասել է, որ երկիրը չի ընդունի որևէ փոփոխություն տարածաշրջանի աշխարհաքաղաքականության մեջ։ Այս մասին հաղորդում է...

Համատեղ աշխատում ենք՝ ապահովելու դեէսկալացիա և բաց կապեր. Շառլ Միշելը հեռախոսազրույցներ է ունեցել Փաշինյանի և Ալիևի հետ

Եվրոպական խորհրդի նախագահ Շառլ Միշելը Թվիթերում գրել է, որ հեռախոսազրույցներ է ունեցել Փաշինյանի և Ալիևի հետ․ «Տարածաշրջանում վերջին զարգացումների վերաբերյալ ես առանձին հեռախոսազրույցներ եմ ունեցել...

Փաշինյան-Գրիգորյան տանդեմը բացում է Հայաստանի պետականության ապամոնտաժման ռազմավարությունը

Նիկոլ Փաշինյանի ու նրա Անվտանգության խորհրդի քարտուղար Արմեն Գրիգորյանի ցանկացած հրապարակային ելույթ Հայաստանի պետականությունը հանձնելու հերթական պայմանավորվածությունն է մատուցում հանրությանը, «խաղաղ օրակարգի» կաթիլային ներարկման...

Most Popular

Ես մեկնում եմ Պրահա, որտեղ հանդիպում եմ ունենալու Թուրքիայի նախագահի հետ, ինչպես նաև Ալիևի, Մակրոնի ու ԵՄ խորհրդի նախագահի․ Նիկոլ Փաշինյան

Փաշինյանը մեկնում է Պրահա, որտեղ հանդիպում կունանա երեք երկրի ղեկավարի հետ։ Այս մասին Ազգային ժողովում ՝ Կառավարության անդամների հետ հարցուպատասխանի ժամին ասաց Նիկոլ Փաշինյանը։ «Ես մեկնում...

Մեծ քանակությամբ ապօրինի զենք է ներկրվել Իրան․ ի՞նչ սպասել Թեհրանի և Բաքվի համատեղ զորավարժանքից

Իրանի հոգևոր առաջնորդ այաթոլա Խամենեին օրերս հայտարարեց, թե չի կասկածում, որ Իրանում տեղի ունեցած բողոքի զանգվածային ցույցերի կազմակերպմանը մասնակցել են ԱՄՆ-ն և Իսրայելը: Նա...

Սիրելի ուսուցիչներ շնորհավորում եմ Ձեզ մասնագիտական օրվա` ուսուցչի տոնի առթիվ.Վալոդյա Գրիգորյան

Սիրելի ուսուցիչներ շնորհավորում եմ Ձեզ մասնագիտական օրվա` ուսուցչի տոնի առթիվ։ Դուք ձեր անմնացորդ նվիրվածությամբ կատարում եք շատ դժվարին, բայց շատ պատվաբեր առաքելություն` կրթել...

Կանգնե՛նք Հերոսի կողքին, ով մեր կողքին էր Հայրենիքի փրկության ժամին. դրամահավաք՝ հաջակցություն լեգենդար հրամանատար Անահիտ Մարտիրոսյանի

Անահիտ Մարտիրոսյանը Արցախյան պատերազմի բովով անցած ազատամարտիկ է, եղել է «Անահիտ» ջոկատի հրամանատարը, պահեստազորի փոխգնդապետ է։ 1992-1994 թթ․ մասնակցել է ԼՂՀ Մարտակերտի շրջանի ինքնապաշտպանական...

Recent Comments