Ուրբաթ, 3 Փետրվարի, 2023
HomeԻրադարձային«Ուրախ եւ պատրաստ եմ կրկին օգնելու» Մայք Սարեանի նեցուկը՝ Կիւմրեցիներուն

«Ուրախ եւ պատրաստ եմ կրկին օգնելու» Մայք Սարեանի նեցուկը՝ Կիւմրեցիներուն

Այս բոլորը իմ սեփական աջակցութեամբ եղաւ , առանց որեւէ օգնութեան «Հայաստան» հիմնադրամէն կամ այլ անձերէ, որոնք այս գեղեցիկ եկեղեցին եւ քաղաքը օգնելու համար կը կատարեն հեռատեսիլային մարաթոններ եւ կը հաւաքեն նուիրատուութիւններ, եւ ով գիտէ, թէ այդ գումարները ուր կ’երթան:

Գիւմրիի մասին շատ կը լսենք, բայց գործնական աշխատանքները շատ քիչ են եւ այս մէկը Հայաստանի մասին շատ տխուր իրականութիւն մըն է:
«Արեւելք» աւելի վաղ գրած էր ամերիկահայ բարերար՝ Մայք Սարեանի կատարած նուիրատւութեան մասին, որուն շնորհիւ կարելի եղաւ ջերուցման համակարգ մը յատկացնել Կիւմրիի Սուրբ Յակոբ եկեղեցւոյ հաւաքասրահին։
Այսօր նոյն շրջանակներուն մէջ եւ Սարեանի ամբողջանուէր նեցուկով կարելի եղած է վերանորոգել ներքնասրահի փլատակուած մասերը (տեսնել՝ լուսանկարը) եւ այն յանձնել օգտագործման։ Ի դէպ Սարեան այս մասին անդրադարձած է գրառումով մը, որ կը ներկայացնենք ստորեւ՝
Մայք Սարեան կը գրէ՝
Կրկին անգամ շատ ուրախ եմ արտայայտելու իմ ուրախութիւնս Գիւմրիի մէջ իմ աջակցութեամբ Սուրբ Յակոբ եկեղեցւոյ փլատակ եղած ներքին բաժին վերանորոգուած տեսնելու համար։ Ինչպէս քանի մը շաբաթ առաջ եկեղեցիին ջերուցման նոր համակարգ հայթայթած էի, այսօր ալ սրտի մեծ երախտիքով կուզեմ յայտնել, որ եկեղեցւոյ անփառունակ վիճակի մատնուած ներքնասրահը կատարելապէս նորոգուած ու նոր տեսք ստացած է։ Մեծ գոհունակութիւն զգացի, որ կրցայ օգնել գիւմրեցիներուն, որպէսզի այս ցուրտ եղանակին կարողանան հանգիստ կերպով Աստծոյ տուն մտնել եւ իրենց կրօնական արարողութիւնները կատարել։Այս բոլորը իմ սեփական աջակցութեամբ եղաւ , առանց որեւէ օգնութեան «Հայաստան» հիմնադրամէն կամ այլ անձերէ, որոնք այս գեղեցիկ եկեղեցին եւ քաղաքը օգնելու համար կը կատարեն հեռատեսիլային մարաթոններ եւ կը հաւաքեն նուիրատուութիւններ, եւ ով գիտէ, թէ այդ գումարները ուր կ’երթան:

Գիւմրիի մասին շատ կը լսենք, բայց գործնական աշխատանքները շատ քիչ են եւ այս մէկը Հայաստանի մասին շատ տխուր իրականութիւն մըն է:
Կրկին անգամ թոյլ տուէք սիրելի հայրենակիցներ ձեր հետ կիսելու իմ ուրախութիւնս առ այն, որ կրտսեր եւ երէկ կիւմրեցիներ ունեցան գեղեցիկ վայր մը, ուր կրնան հաւաքուիլ եւ Բարձրեալին երկրպագութիւն կատարել:
Ուրախ եւ պատրաստակամ եմ վերստին օգնելու եւ Աստուած օրհնէ Հայաստանը։
Տեսարան մը փլատակուած սրահէն (ներկայիս նորոգուած)

RELATED ARTICLES

Most Popular

Recent Comments

Բջջային՝ 099410009, 095510009