Երկուշաբթի, 3 Հոկտեմբերի, 2022
Home Իրադարձային Պարտադիր պատվաստման հրամանը որևէ առնչություն չունի իրավունքի հետ, զոռով, մարդուն ծախսի տակ...

Պարտադիր պատվաստման հրամանը որևէ առնչություն չունի իրավունքի հետ, զոռով, մարդուն ծախսի տակ դնելով արդյունք չեն ստանալու. Արամ Վարդևանյան

Բժշկական և սանիտարահամաճարակային ոլորտը կարգավորող օրենքը մի կարգավորում ունի, որը մենք չենք էլ վիճարկել, որովհետև դրա ձևակերպումները խնդիր չեն առաջացնում։ Այս մասին լրագրողների հետ ճեպազրույցի ընթացքում, անդրադառնալով ՍԴ-ում պարտադիր պատվաստման հրամանը վիճարկելու գործընթացին, ասաց իրավապաշտպան, «Հայաստան» խմբակցության պատգամավոր Արամ Վարդևանյանը։

«Ասվում է` առանձին մասնագիտությունների, առանձին հաստատությունների, առանձին կազմակերպությունների վերաբերյալ կարող են լինել պարտադիր բժշկական զննություններ անցնելու կարգավորումներ։ Ինչպես նկատեցիք` առանձին, այլ ոչ թե համընդհանուր։ Ենթադրենք կան ոլորտներ, որտեղ աշխատում են մեր հայրենակիցներից շատերը և դրանք սանիտարական առումով ռիսկային ոլորտներ են։ Այնտեղ աշխատող մարդկանց համար դա ոչ թե կորոնավիրուսին է վերաբերում, այլ ուրիշ տեսակ ռիսկային հանգամանքների, բայց դրանք առանձին ոլորտներ են։ Եթե այս հրամանը վերաբերեր այդպիսի առանձին ոլորտների, այլ հարց է առաջանում»,– ասաց նա։

Անդրադառնալով ՍԴ նիստին առողջապահության նախարարի ներկա չգտնվելու հանգամանքին՝ Վարդևանյանը նշեց. «Նախարարը պարտավոր էր ներկա գտնվել նիստին, խոսքը գնում է ՀՀ-ի բարձրագույն մարմնի առջև հաշվետու լինելու մասին։ Նախարարության ներկայացուցիչներին ես հարցեր չունեմ, իրենք չեն ընդունել պարտադիր պատվասման հրամանը։ Այդ խայտառակ հրամանն ընդունել է մեկ մարդ, և այդ մեկ մարդը առողջապահության նախարարն է։ Խնդիրներից մեկը, որ ներկայացրի, հենց դա է, մեկ մարդը չի կարող նման ծավալի կարգավորող հարցեր որոշել միանձնյա, իր կաբինետում նստած։ Այսօր, երբ ՍԴ-ում հենց իր ընդունած ակտն է վիճարկվում, գործընկերային առումով էլ ճիշտ չէր պատասխանատվությունը թողնել գործընկերների վրա»։

Արամ Վարդևանյանը շեշտեց, որ բարձր ամբիոնից հստակ արձանագրվեց` իրականում որն է հակապատվաստումային քարոզը, որն արտահայտվել է այս իշխանությունների վարքագծի մեջ։ «Այն արտահայտվել է «կորոնավիրուսը ում շունն է» արտահայտությամբ, ամեն կերպ անլրջացնելով կորոնավիրուսի վտանգը, իսկ այն, ինչ մենք ենք անում, իրավունքի համար պայքար է, սահմանադրականության համար գործընթաց է, որը ուզեն, չուզեն պետք է կատարեն»,– ասաց նա։

Իրավապաշտպանն ընդգծեց, որ ՍԴ-ի նկատմամբ ճնշումներն ավելի են շատանալու։ «Մենք անգամ չգիտենք, թե ինչ է սպասվում նոյեմբերի 26-ին և շատ հնարավոր է, որ նման հարցերը տեղափոխվեն ՍԴ։ Դժվարանում եմ ասել, թե այս գործով ճնշումներ եղե՞լ են, թե ոչ, որոշումը կտեսնենք, կհասկանաք։ Ինձ համար մեկ բան հստակ է` պարտադիր պատվաստման հրամանը կապ չունի իրավունքի հետ, այն ակնհայտ հակասահմանադրական է»,– ընդգծեց նա։

Արամ Վարդևանյանը նշեց, որ շատ կարևոր է ճիշտ կոմունիկացնել մարդկանց, որ պատվաստումն է այս պահին լավագույն միջոցը։ «Եթե զոռով փորձեն շփվել մարդու հետ, դա արդյունք չի տալու։ Հայ մարդուն զոռով, ծախսի տակ դնելով արդյունք չեն ստանալու։ Երբեք ուշ չէ կոմունիկացնելու համար, գործընթացը ի սկզբանե ճիշտ չի գնացել։ Օրինակ՝ սկանդինավյան երկրներում կոմունիկացնողները հենց ոլորտի մասնագետներն են, ոչ մի նախարար, քաղաքական գործիչ, որը 0 առնչություն ունի առողջապահության ոլորտի հետ, վեր չի կենում և խոսում, թե ինչ է կորոնավիրուսը և ինչ է պետք անել։ Խոսում են մասնագետները, և մարդիկ լսում են նրանց»,- ասաց Արամ Վարդևանյանը։

RELATED ARTICLES

Այսօր Ժնևում նախատեսված է Արարատ Միրզոյանի և Ջեյհուն Բայրամովի հանդիպումը

Այսօր Ժնևում տեղի կունենա Հայաստանի և Ադրբեջանի արտաքին գործերի նախարարների հանդիպումը։ «Չնայած Ադրբեջանի կողմից իրականացվող սադրանքներին, հայկական կողմը կմասնակցի հանդիպմանը։ Ուստի անհիմն են Ադրբեջանի ԱԳՆ հայտարարություններն...

ԵԱՀԿ-ն կարող է առաքելություն ուղարկել հայ-ադրբեջանական հակամարտության տարածք

Շաբաթ օրը Լեհաստանի արտգործնախարար Զբիգնև Ռաուն (ԵԱՀԿ ղեկավար) հեռախոսազրույց է ունեցել ֆրանսիացի գործընկեր Քեթրին Կոլոնայի հետ։ «Ռիա Նովոստի»-ի հաղորդմամբ՝ այս մասին ասված է Լեհաստանի...

Էրդողանը հայտարարել է, որ Պրահայում, հնարավոր է, հանդիպի Փաշինյանի հետ

Թուրքիայի նախագահ Ռեջեպ Թայիբ Էրդողանն ասել է, որ Հայաստանի վարչապետ Նիկոլ Փաշինյանի հետ հոկտեմբերի սկզբին Պրահայում նախատեսվող հանդիպումը «հնարավոր է»։ Այդ մասին նա հայտարարել...

Most Popular

Այսօր Ժնևում նախատեսված է Արարատ Միրզոյանի և Ջեյհուն Բայրամովի հանդիպումը

Այսօր Ժնևում տեղի կունենա Հայաստանի և Ադրբեջանի արտաքին գործերի նախարարների հանդիպումը։ «Չնայած Ադրբեջանի կողմից իրականացվող սադրանքներին, հայկական կողմը կմասնակցի հանդիպմանը։ Ուստի անհիմն են Ադրբեջանի ԱԳՆ հայտարարություններն...

ԵԱՀԿ-ն կարող է առաքելություն ուղարկել հայ-ադրբեջանական հակամարտության տարածք

Շաբաթ օրը Լեհաստանի արտգործնախարար Զբիգնև Ռաուն (ԵԱՀԿ ղեկավար) հեռախոսազրույց է ունեցել ֆրանսիացի գործընկեր Քեթրին Կոլոնայի հետ։ «Ռիա Նովոստի»-ի հաղորդմամբ՝ այս մասին ասված է Լեհաստանի...

Էրդողանը հայտարարել է, որ Պրահայում, հնարավոր է, հանդիպի Փաշինյանի հետ

Թուրքիայի նախագահ Ռեջեպ Թայիբ Էրդողանն ասել է, որ Հայաստանի վարչապետ Նիկոլ Փաշինյանի հետ հոկտեմբերի սկզբին Պրահայում նախատեսվող հանդիպումը «հնարավոր է»։ Այդ մասին նա հայտարարել...

ԵԱՀԿ-ն կարող է առաքելություն ուղարկել հայ-ադրբեջանական հակամարտության տարածք

ԵԱՀԿ դիտարկում է հայ-ադրբեջանական հակամարտության շրջան  առաքելությունը ուղարկելու հնարավորությունը, այդ մասին ասվում է Լեհաստանի ԱԳՆ հաղորդագրության մեջ, փոխանցում է ria.ru-ն: «Շաբաթ օրը Լեհաստանի արտաքին գործերի նախարար...

Recent Comments