Այսօր՝ նոյեմբերի 27-ին, հերթական ողբերգական դեպք է տեղի ունեցել Երևանում: Ժամը 12:30-ի սահմաններում ՀՀ ներքին գործերի նախարարության ոստիկանության Կենտրոնական բաժին ահազանգ է ստացվել, որ Հանրապետության 46 հասցեում՝ նոր կառուցվող էլիտար շենքում, աշխատակիցը բարձրությունից ընկել և տեղում մահացել է:
Այս մասին գրում է shamshyan.com-ը:
Տեղում ոստիկանության Կենտրոնական բաժնի քրեական հետախուզության ծառայողները պարզել են, որ մահացածը Արարատի մարզի բնակիչ 32-ամյա Արսեն Թ.-ն է, որը, ժողովրդի լեզվով ասած, «խառաչոյի» վրա աշխատանքներ կատարելիս է եղել:
Ըստ աղբյուրի՝ հավանաբար երկաթյա սյուները շարժվել են, և նա վայր է ընկել:
Ժամանած բժիշկների շտապօգնության խումբն արձանագրել է նրա մահը: