Եվրոպան պետք է ապահովի ավելի լավ պաշտպանական կարողություններ, քանի որ նոր ռազմական սպառնալիքները կարող են ի հայտ գալ մինչև տասնամյակի վերջ, նույնիսկ երբ նրա անվտանգության դաշնակից ԱՄՆ-ի ուշադրությունը տեղափոխվում է Հնդկ-Խաղաղօվկիանոսյան տարածաշրջան, ասել է Գերմանիայի պաշտպանության նախարար Բորիս Պիստորիուսը: Այս մասին հայտնում է Reuters-ը։«Ռուսաստանը զգալիորեն մեծացրել է զենքի արտադրությունը՝ շարունակելու ներխուժումն Ուկրաինա, ինչպես նաև սպառնում է Բալթյան երկրներին, Վրաստանին և Մոլդովային»,-ասել է Պիստորիուսը Welt am Sonntag-ին տված հարցազրույցում։
Միևնույն ժամանակ, Միացյալ Նահանգները, ամենայն հավանականությամբ, կնվազեցնի իր ռազմական ներկայությունը Եվրոպայում, քանի որ սկսում է ավելի շատ կենտրոնանալ Հնդկ-Խաղաղօվկիանոսյան տարածաշրջանի վրա:
«Մենք՝ եվրոպացիներս, պետք է ավելի շատ ներգրավվենք մեր սեփական մայրցամաքում անվտանգության ապահովման գործում», – ասել է Պիստորիուսը, սակայն նշել է, որ տարածաշրջանին ժամանակ է պետք զենքի արտադրությունը մեծացնելու համար։
