Lratvutyun.am

ԵԱՀԿ նախագահից պահանջում ենք պատասխանել Բաքու կատարած իր այցից հետո ծագած հարցերին․ հայտարարություն | Առաջին անգամը չէ, օրական մի քանի անգամ նման դեպքեր են լինում․ Լեո Նիկոլյանը՝ իրեն հրելու մասին | Կդադարեցվի հետևյալ հասցեների էլեկտրամատակարարումը | Փարիզի 2024 թվականի Օլիմպիական խաղերին ընդառաջ՝ հուլիսի 8-23-ը, հնարավորություն կունենան ուսումնամարզական հավաք անցկացնելու Մարսելի շրջակայքում տեղակայված մարզաբազաներում | Հայ բռնցքամարտիկները Թաիլանդում մասնակցում են օլիմպիական վարկանիշային վերջին մրցաշարին | Որպեսզի չգուշակենք, Փաշինյանն ինքը թող հայտարարեր, թե ՀԱՊԿ-ի ո՞ր երկրներն են պատրաստվել ԼՂ-ի պшտերազմին. Զախարովա | Երևանի հասարակական տրանսպորտը վաղ առավոտից սկսել է աշխատել բնականոն հունով․ քաղաքապետարան | Ոչ մի դպրոց չի փակվում, այլ մի քանի գյուղերի համար նոր դպրոցներ են կառուցվում․ Փաշինյան | Սևանա լիճ է բաց թողնվել 87 300 հատ Սևանի իշխանի Ամառային ենթատեսակ | Ուսումնասիրում ենք Հայաստանի մի շարք խնդրանքներ՝ որոշելու՝ ավելին ինչ կարող ենք անել Երևանին մեր աջակցությունն ամրապնդելու ու նրա հետ համագործակցության համար. Բլինկեն | Ռայիսիին հրաժեշտ տալու համար Թեհրան են ժամանել շուրջ 60 օտարերկրյա պատվիրակություններ | Կոտայքի մարզում. երկհարկանի տանն առաջացած կրակը տեսանելի էր մի քանի հարյուր մետրից | Եթե ​​Ադրբեջանի և Հայաստանի միջև կնքվի խաղաղության վերջնական համաձայնագիր, դա դրական ազդեցություն կունենա ողջ տարածաշրջանի վրա․ Թուրքիայի ԱԳ նախարար | Սահմանագծման, սահմանազատման համար պետք է բացառապես հիմք հանդիսանան 1929 և 1988 թվականի քարտեզները. Հայտարարություն | «Ապրելու երկիրը» նախաձեռնել էր Փարաքար համայնքի ղեկավարի իմպիչմենթի գործընթաց. ժամեր անց նա հրաժարական տվեց | Կխորհրդակցեմ ղեկավարության հետ, որոշում կկայացնեմ. «Երևանի ավտոբուս» ՓԲԸ–ի տնօրենի ժամանակավոր պաշտոնակատարը՝ իր հրաժարականի մասին | Բոլոր հնարավորությունները ճիշտ օգտագործելու պարագայում Շարժումը կհասնի հաջողության. Սերժ Սարգսյան (տեսանյութ) | Իրան-Հայաստան հարաբերությունները հակառակորդներ ունեն. Խամենեին՝ Փաշինյանին | Վրաստանի նախագահը վետո է դրել օտարերկրյա գործակալների մասին օրենքի վրա | Քաղաքական որոշ ուժեր պահանջներ են ներկայացրել Բագրատ Սրբազանին․«Հրապարակ» |

ՀՀ նախագահը և դեսպանը խոսել են Ավստրալիա մուտքի արտոնագրային ռեժիմի դյուրացման հեռանկարների մասին

Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Ավստրալիայի արտակարգ և լիազոր դեսպան Ջոն Գիրինգը (նստավայրը՝ Մոսկվա):

Նախագահ Խաչատուրյանը շնորհավորել է նորանշանակ դեսպանին իր առաքելությունը ստանձնելու առթիվ և վստահություն հայտնել, որ վերջինս առավելագույն ջանք կներդնի հայ-ավստրալական կապերի առավել ամրապնդման ու զարգացման ուղղությամբ։ «Մեր երկիրը Ավստրալիայի հետ ունի իսկապես ջերմ հարաբերություններ: Վստահ եմ, որ Ձեր նշանակումը կնպաստի մեր գործակցության առավել ակտիվացմանն ու խորացմանը»,-նշել է նախագահը՝ դեսպանին մաղթելով հաջողություններ:

Դեսպան Ջոն Գիրինգը շնորհակալություն է հայտնել ընդունելության համար և ընդգծել, որ պատրաստ է անել ամեն հնարավորը՝ Հայաստանի և Ավստրալիայի միջև կապերի ամրապնդման ու խորացման համար:

Հանդիպման ընթացքում քննարկվել են երկու երկրների միջև առևտրատնտեսական, բարձր տեխնոլոգիաների և այլ ոլորտներում փոխգործակցության ակտիվացման հնարավորությունները: Անդրադարձ է կատարվել կողմերի միջև քաղաքական խորհրդակցությունների անցկացման, ինչպես նաև խորհրդարանական դիվանագիտության խթանման կարևորությանը, ինչը կարևոր ազդակ կհանդիսանա տարբեր ուղղություններով Հայաստանի և Ավստրալիայի գործընկերության ամրապնդման համար:

Զրույցի ընթացքում մտքեր են փոխանակվել Հայաստանի քաղաքացիների համար Ավստրալիա մուտքի արտոնագրային ռեժիմի դյուրացման հեռանկարների վերաբերյալ:

Հանդիպմանը Հայաստանի նախագահը նորանշանակ դեսպանի ուշադրությունն է հրավիրել Լեռնային Ղարաբաղում հայկական և քրիստոնեական մշակութային ժառանգության ոչնչացման սպառնալիքի վրա, ինչը պետք է անթույլատրելի դառնա առաջադեմ հանրության միահամուռ ջանքերով: Նախագահն անդրադարձել է նաև Լեռնային Ղարաբաղից բռնի տեղահանվածների սոցիալ-հումանիտար և այլ խնդիրների լուծման ուղղությամբ Հայաստանի կառավարության կողմից իրականացվող ծրագրերին և այս համատեքստում, ի դեմս դեսպանի՝ շնորհակալություն հայտնել Ավստրալիայի ղեկավարությանը ցուցաբերած մարդասիրական աջակցության համար:

լրահոս

Փոխկապակցված նորություններ