Հայաստանի մարմնամարզության երիտասարդական թիմի անդամ Համլետ Մանուկյանը դարձավ Եվրոպայի չեմպիոն, մարմնամարզիկ Մամիկոն Խաչատրյանը երրորդն է:
«Արմենպրես»-ի թղթակցի հաղորդմամբ` իտալական Ռիմինի քաղաքում ընթացող մարմնամարզության երիտասարդների առաջնության առանձին գործիքներից նժույգ-թափերի եզրափակիչում Համլետ Մանուկյանը, հավաքելով 14.500 միավոր, դարձավ Եվրոպայի չեմպիոն:
Հայաստանի ընտրանու անդամ Մամիկոն Խաչատրյանը 14.266 միավորով արժանացավ բրոնզե մեդալի:
