Մարդը վախեցած է, դեռ ավելի է վախենալու, մտածում եմ՝ վախից բան չպատահի։
Լրագրողների հետ զրույցում ասել է Բագրատ Սրբազանը՝ պատասխանելով Շարժման համակիրների, Արցախի տարբերք քաղաքների ղեկավարների ձերբակալությունների մասին հարցին․
«Սա պարզապես իր վախերի դրսևորումն է։ Հալածում են, ռեպրեսիաներ են անում, որ մարդիկ վաղը չգան հանրահավաքի։ Երկրորդը՝ նաև գործարարներին են հալածում։ Այսօր պատվական մարդու, որը տարիներով ծառայել է պետությանը, ձերբակալել են։ Խոսքը Հայկ Շահնազարյանի մասին է։ Նա մեր աջակիցներից է, եզակի գործարարներից է, որ ինձ հետ է եղել միշտ, տարիներ շարունակ ծրագրեր է արել Արցախում։
Մեզ տեղեկություն է հասել, որ խմբեր են կազմում իշխանությունները`15-17 հոգանոց։ Նիկոլ Փաշինյան, վերջին օրերն ես ապրում քո քաղաքական կյանքի, քո խոփը քարի է կպել։ Բոլոր առումներով պատասխանատվության առաջ ես կանգնելու։
Մեր օրակարգից մեկ միլիմետր չենք շեղվելու։ Վաղը կգաք հանրահավաքի, այս ընթացքը պետք է վերջ ունենա»,-նշել է Սրբազանը։
