Կիրանց-Աճարկուտ այլընտրանքային ճանապարհի կառուցման համար տնամերձ այգու հենապատն են քանդել: Այս մասին NEWS.am-ին պատմեց Աճարկուտի բնակիչ Կարեն Ղազարյանը։
Նա ասաց, որ որ այսօր շինարարական աշխատանքներ իրականացնողներն առանց տան բնակիչներին տեղյակ պահելու քանդել են այգու հենապատը. այլընտրանքային ճանապարհի կառուցման աշխատանքների շրջանակներում ճանապարհի լայնացման աշխատանքներ էին կատարվում: «Անգամ քանդելուց առաջ չեն ասել:
Մայրս է եղել տանը, դուրս է եկել և տեսել, որ այգու հենապատն ամբողջությամբ քանդված է: Մայրս աշխատակիցներին հարցրել է, թե ինչո՞ւ են առանց իրենց տեղյակ պահելու նման բան անում, ասել են՝ ձեզ պիտի տեղյակ պահած լինեին»,-պատմեց Աճարկուտի բնակիչը: Հիշեցնենք, որ մայիսի 19-ից մեկնարկել էր Կիրանց-Աճարկուտ ճանապարհի վերակառուցումը: Վարչապետի աշխատակազմի ղեկավար Արայիկ Հարությունյանն ասել էր, որ ճանապարհը կլայնացվի, անցանելի կդառնա նաև բեռնատար մեքենաների համար: Ճանապարհը պետք է շահագործման հանձնվի երկու ամսվա ընթացքում:
