Ավարտվել է սուսերամարտի Եվրոպայի գավաթի պատանեկան (մինչև 14 տարեկաններ) խաղարկությունը: Ճկասուսեր զենքաձևի վերջին ՝ վեցերորդ փուլը անցկացվեց Բուլղարիայի Շումեն քաղաքում: Այս մասին հայտնում է ՀԱՕԿ-ի պաշտոնական կայքը:
Հայաստանի թիմի ավագ մարզիչ Գագիկ Հովհաննիսյանի սաներից առավել հաջող հանդես է եկել 10-ամյա Հակոբ Մանուկյանը:
Նա իր հաշվին գրանցել է յոթ հաղթանակ, մեկ պարտություն և գրավել է երրորդ տեղը: Այդուհանդերձ, 6 փուլերի արդյունքների ընդհանուր հանրագումարով հայ մարզիկը զբաղեցրել է առաջիբ հորիզոնականը:
