Բելգրադում Իսրայելի դեսպանատան մոտ Սերբիայի ՆԳՆ աշխատակցին վիրավորած ահաբեկչի ենթադրյալ հանցակիցը բերման է ենթարկվել։ Այս մասին հայտարարել է Սերբիայի ներքին գործերի նախարար Իվիցա Դաչիչը։«Բելգրադում կալանավորվել է ահաբեկչության մեջ կասկածվողը: Խոսքը 1999 թվականին Բելգրադում ծնված Իգոր Դեսպոտովիչի մասին է», – ասել է նախարարը։ Նա հավելել է, որ Դեսպոտովիչն «արդեն կալանավորվել է երկու տարի առաջ՝ համացանցում ջիհադի կոչ անող մի քանի խմբերի կառավարման համար»։Նշվում է, որ ձերբակալվածն ամենօրյա կապի մեջ է եղել ահաբեկչի հետ, ուստի կասկածներ կան, որ նա անմիջական մասնակցություն է ունեցել ահաբեկչության նյութատեխնիկական ապահովմանն ու կազմակերպմանը։Հունիսի 29-ին տղամարդը կտրել է Իսրայելի դեսպանատունը հսկող Սերբիայի ՆԳՆ աշխատակցի պարանոցը։ Հարձակվողը վնասազերծվել է իրավապահների պատասխան կրակով։ Տուժած իրավապահը տեղափոխվել է Բելգրադի հիվանդանոցի վերակենդանացման բաժանմունք և վիրահատվել։ Իսրայելի ԱԳՆ-ի տվյալներով՝ դիվանագետներից ոչ ոք չի տուժել։Սերբիայի ՆԳՆ ղեկավարը հայտնել է, որ սա ահաբեկչություն է։ Ահաբեկչական սպառնալիքի պատճառով նա երկրում կարմիր տագնապ է հայտարարել։ Դաչիչի խոսքով՝ հարձակումն իրականացրել է Սերբիայի 25-ամյա քաղաքացին։ Նախնական տվյալներով՝ նա արմատական իսլամիստական շարժման կողմնակից է։