Շիրակի մարզպետը և Գյումրու քաղաքապետ Վարդգես Սամսոնյանը այսօր այցելել են ՀՀ ՆԳՆ ՓԾ Շիրակի մարզային փրկարարական վարչություն։
Շիրակի մարզային փրկարարական վարչության պետ Արմեն Ափոյանի ուղեկցությամբ շրջել և ծանոթացել են փրկարարական վարչության աշխատանքներին, անձնակազմի աշխատանքային պայմաններին, ընդհանուր տեխնիկական հագեցվածությանը, զրուցել մասնագետների հետ, քննարկել հետագա անելիքները:
Մարզպետը Ճգնաժամային կառավարման կենտրոնում հետաքրքրվել է ահազանգերի քանակից, դրանց արձագանքման օպերատիվությունից։ Շիրակի մարզային փրկարարական վարչության պետ Արմեն Ափոյանը Մարզպետին է ներկայացրել, կենտրոնն օրական միջինը 200-300 ահազանգ է ստանում՝ տարատեսակ խնդիրներով։
Շիրակի մարզպետ Մուշեղ Մուրադյանը վարչությունում անցկակցրել է աշխատանքային քննարկում, որի ժամանակ անդրադարձ է կատարվել մարզպետի աշխատակազմի, համայնքների, շահագրգիռ կազմակերպությունների համագործակցությանը, վարչությանը պատկանող և քաղաքի տարբեր հատվածներում գտնվող շենք-շինությունների և հողատարածքների օգտագործմանն ու օտարմանն առնչվող հարցերի։
Շորակի մարզպետը շրջայց է կատարել Շիրակի մարզային փրկարարական վարչությանը պատկանող և չօտագործվող մի շարք շենքերում և տարածքներում, քննարկել դրանց նպատակային օգտագործմանը, վերականգնմանն, ինչպես նաև առաջիկա անելիքներին առնչվող հարցեր։
