Արցախը մեզ համար անցյալ չէ: Այս մասին Արցախի անկախության օրվան նվիրված իր ուղերձում ասել է Մեծի Տանն Կիլիկիո կաթողիկոս Արամ Ա-ն:
«Եթե թշնամին Արցախը գրավելով համոզված է, թե Արցախի հարցը լուծված է, սակայն մեր ժողովրդի համար Արցախի հարցը լուծված չէ: Այնքան ժամանակ, ինչքան Արցախի ժողովուրդը չի վերադարձել եւ իր ինքնորոշման իրավունքը չի վերականգնել իր պատմական հողերի վրա՝ միջազգային հովանու ներքո, Արցախի հայակական պատկանելիությունը պատմմականորեն եւ միջազգային իրավունքի տվյալներով ամրագրված, չի կարելի զենքի ուժով լուծված համարել: Պատմությունը վկայում է, որ հանգամանքների բերումով եւ զենքի ուժով կատարված բռնագրավումները միշտ ժամանակավոր են եղել»,-ասել է նա:
«Այս համազգային պայքարի շուրջ պետք է համախմբվեն Հայաստանի պետությունը, մեր եկեղեցին, մեր ազգային կառույցները, Հայաստանն ու Սփյուռքը, Արցախի հայկական պատկանելիության վերականգնումն ու հանձնառությունը, պետք է նաեւ մեզ մղի հետեւողական եւ ծրագրված աշխատանքի միջազգային համայնքի հետ: Փաստացի տվյակներով հարկ է շեշտել եւ վերաշեշտել Ացախի հայկական պատկանելիությունը»,-ասել է նա:
