Կիսապաշտպան Միրալեմ Պյանիչը պայմանագիր է կնքել ԲԿՄԱ-ի հետ, հայտնում է ակումբի պաշտոնական կայքը։
34-ամյա բոսնիացու հետ պայմանագիրը նախատեսված է մեկ տարով՝ ևս մեկ մրցաշրջանով երկարաձգելու հնարավորությամբ։ Ֆուտբոլիստը հանդես կգա 15 համարի մարզաշապիկով։
Պյանիչը հայտնի է «Լիոնի», «Ռոմայի», «Յուվենտուսի» և «Բարսելոնայի» կազմում իր ելույթներով։ Նրա վերջին ակումբը ԱՄԷ-ի առաջնության «Ալ Շարջան» էր, ֆուտբոլիստն ազատ գործակալի կարգավիճակում է 2024 թվականի հուլիսից։
Բոսնիա և Հերցեգովինայի հավաքականում անցկացրած խաղերի քանակով (115) կիսապաշտպանը զբաղեցնում է 2-րդ տեղը։ Մայիսին Պյանիչը հայտարարեց ազգային հավաքականում կարիերան ավարտելու մասին։
