Ավանի փոխթաղապետ Ներսես Պողոսյանը հայտնվել է հերթական սկանդալի կիզակետում. այս անգամ էլ պաշտոնյայի տանը փոքր քանակությամբ հաշիշ են հայտնաբերել: Հիշեցնենք` դրան նախորդել էլ մեկ այլ սկանդալ. Պողոսյանի մոտ իրավապահները կաթուցիչ էին հայտնաբերել: Ընդհանրապես, Ներսես Պողոսյանը հանդիսանում է այս իշխանությունների ամենասկանդալային դեմքերից մեկը:
Սակայն, ի տարբերություն գործող քաղաքապետ Հրաչյա Սարգսյանի, նա այսպես ասած` քայլած է՝ մասնակցել է թավշյա հեղափոխությանը, իսկ գաղտնիք չէ, որ տվյալ փաստը շատ մեծ նշանակություն ունի Նիկոլ Փաշինյանի համար: Փաշինյանի հետ համատեղ նկար ունենալը, ինչով նույնպես կարող է հպարտանալ Պողոսյանը, ևս ազդեցիկ գործոն է: Բացի այդ, Պողոսյանը պաշտպանել էր նաև պատգամավոր Հայկ Սարգսյանին, երբ վերջինս հերթական սկանդալի կիզակետում հայտնվելուց հետո հանրային պարսավանքի տակ էր հայտնվել:
Այժմ հարց է առաջանում՝ անկախ գործչի տպավորություն ստեղծել ջանացող Հրաչյա Սարգսյանի դուխը կհերիքի՞ ազատել զբաղեցրած պաշտոնից մշտապես սկանդալների կիզակետում հայտնվող Ներսես Պողոսյանին` հաշվի առնելով, որ վերջինս բավական լուրջ հովանավորներ ունի ՔՊ բարձր էշելոններում: Թե՞ քաղաքապետը կնախընտրի մնալ թիմային խաղացող, չնայած այն հանգամանքին, որ ընտրվելուց ինքն էր հայտարարել՝ ՔՊ չի մտնելու, քանի որ ՔՊ արժեքներից տեղյակ չէ….
