Չեխիայի երկու քաղաքների սուպերմարկետների աշխատակիցները ուրբաթ օրը կես տոննա կոկաին են հայտնաբերել բանանի տուփերում։ Այս մասին Twitter-ի իր էջում հայտնել է Չեխիայի ոստիկանությունը։
«Այսօր կեսօրից հետո Յիչին և Ռիխնով-Նադ-Կնեժնոու քաղաքների սուպերմարկետների աշխատակիցները բանանի տուփերում կոկաինով փաթեթներ են հայտնաբերել: Քրեագետները պարզել են, որ նմանատիպ «ապրանք» հասել է նաև Չեխիայի այլ հատվածներ»,- ասվում է հաղորդագրությունում:
Կոկաինի արժեքը «սև» շուկայում գերազանցում է 1,5 միլիարդ կրոնը (մոտ 60 միլիոն եվրո): Ըստ նախնական տեղեկությունների՝ թմրանյութն ուղարկվել է Կոլումբիայից։