Երևան Մոլը հրավիրում է մասնակցելու իր աշխատանքի տոնավաճառին, որը կկայանա օգոստոսի 4-ին և 5-ին ժամը 10:00-22:00-ն: Այստեղ կառաջարկվեն բազմաթիվ թափուր աշխատատեղեր՝ տարբեր մասնագիտություններ և փորձ ունեցող անձանց համար:
Աշխատանքի տոնավաճառի կազմակերպումը շուկայում արդեն ընդունված և հաջողված մոդել է, որտեղ բոլոր հետաքրքրված մարդիկ կարող են գալ, ծանոթանալ ընկերության թափուր հաստիքներին և դիմել ցանկալի աշխատանքի համար:
Ինչու՞ մասնակցել աշխատանքի տոնավաճառին՝
• Երևան Մոլում առկա թափուր հաստիքների և գործընկեր գործատուների մեծ թիվը հնարավորություն է տալիս մեկ անգամ ռեզյումե ներկայացնելով ստանալ աշխատանքի անցնելու մեծ հնարավորություն:
• Անմիջական կապ խոշոր ընկերության հետ․ Երևան Մոլի HR ղեկավարի և աշխատակիցների անձնական ներկայությունը թույլ կտա հարցեր տալ և լրացուցիչ տեղեկություններ ստանալ գործատուի և աշխատանքային պայմանների մասին։
• Ձեր ռեզյումեն չի կորի․Մասնակիցները կարող են բերել և թողնել իրենց ռեզյումեն կամ տեղում լրացնել հարցաթերթիկը, որոշները միջոցառման ընթացքում հնարավորություն կունենան ստանալու հարցազրույցի հրավեր։
Տոնավաճառի նպատակն է՝
• Բարձրացնել զբաղվածության մակարդակը Երևանում՝ համապատասխանեցնելով գործատուների և աշխատանք փնտրողների կարիքները:
• Ուսանողներին և նորավարտ շրջանավարտներին հնարավորություն ընձեռել ծանոթանալու հայաստանյան աշխատաշուկայի պահանջներին և մարտահրավերներին:
• Աշխատանք փնտրող ուսանողներին և շրջանավարտներին աջակցել՝կողմնորոշվելու կարիերայի կառուցման հարցում:
Երևան Մոլի տնօրինությունը կարևորում է նման օրինակ միջոցառման կազմակերպումը, որը հնարավորություն է տալիս միևնույն հարթակում համախմբել գործատուներին, աշխատանք փնտրող անձանց, ինչպես նաև համալսարաններին ու միջին մասնագիտական ուսումնական հաստատություններին։
Սպասում ենք բոլոր հետաքրքրված անձանց օգոստոսի 4-5-ին Արշակունյաց 34/3 հասցեում:
Երևան Մոլում առկա թափուր աշխատատեղերին և նորություններին կարող եք ծանոթանալ այստեղ: