Իրանի Իսլամական Հանրապետությունը ոչ միայն «թավշյա» կամ «գունավոր» հեղաշրջումների երկիր չէ, այլև այն կայունության և անվտանգության խարիսխն է տարածաշրջանում: Այս մասին, ինչպես գրում է Mehr գործակալությունը, ԵՄ դիվամագիտական ծառայության ղեկավարին ասել է Իրանի արտաքին գործերի նախարար Հոսեյն Ամիր Աբդոլահիանը:
Անդրադառնալովբ վերջին շաբաթներին Իրանում չհանդարտվող բողոքի ակցիաներին, որոնք սկսվել են 22-ամյա Մահսա Ամինիի մահից հետո, Ամի-Աբդոլահիանը հայտարարել է, որ խաղաղ պահանջները քաոսից, սպանությունից, հրկիզումից և ահաբեկչական գործողություններից առանձին խնդիր են։
«Եվրոպայում անկարգություններին ամենադաժան դիմակայությունը կարող է լինել լավ և ընդունելի արարք, սակայն նույն արարքը Իրանում իրավական դաշտում կարելի է համարել բռնաճնշում»,- նշել է նա։
«Ի՞նչ է արել Արևմուտքը Կանադայում և ԱՄՆ-ում կանանց և երեխաների դիտավորյալ սպանությունների հարյուրավոր դեպքերի կապակցությամբ, հատկապես ոստիկանության կողմից: Իրանը ոչ միայն թավշյա կամ գունավոր հեղաշրջումների երկիր չէ, այլև տարածաշրջանի կայունության և անվտանգության խարիսխը», — Բորելին ասել է Իրանի բարձրաստիճան դիվանագետը։
Դրան ի պատասխան Բորելն ասել է. «Մենք մտադիր չենք միջամտել Իրանի ներքին գործերին»:
