Եվրոպան կցանկանա օգտվել ռուս-ամերիկյան հնարավոր համագործակցությունից, RMF24-ի եթերում հայտարարել է Լեհաստանի նախկին արտգործնախարար Յացեկ Չապուտովիչը։
«Եթե Ռուսաստանը դառնա Միացյալ Նահանգների գործընկերը, ապա մյուս եվրոպական երկրները նույնպես կցանկանան օգտվել դրանից», — ասել է Չապուտովիչը։
Քաղաքական գործիչը նշել է, որ Ուկրաինայում հակամարտության կարգավորման ամերիկյան ծրագիրը մեծ շեշտադրում է կատարում Ռուսաստանի և Միացյալ Նահանգների միջև հարաբերությունների բարելավման վրա։
Նախորդ օրը ԱՄՆ պետքարտուղար Մարկո Ռուբիոն հայտարարել էր, որ ամերիկյան և ուկրաինական պատվիրակությունները կիրակի օրը Ժնևում անցկացրել են խաղաղության կարգավորման նախագծի վերաբերյալ մինչ օրս «ամենաարդյունավետ» բանակցությունների փուլը։
Նրա խոսքով՝ կողմերին հաջողվել է կրճատել համաձայնագրի նախագծում «չլուծված կետերի» քանակը, իսկ մնացած բաց հարցերը «անհաղթահարելի չեն»։ Սպիտակ տունը գոհ է եղել «բարձր արդյունավետ խորհրդակցություններից»։
