Ձերբակալվել է սպորտի պետական ինստիտուտի ամբիոնի վարիչը. Հակակոռուպցիոն կոմիտե

NEWS.am-ի տեղեկություններով ձերբակալվել է Հայաստանի ֆիզիկական կուլտուրայի և սպորտի պետական ինստիտուտի ամբիոնի վարիչը:

Հակակոռուպցիոն կոմիտեից  NEWS.am-ի հարցմանն Իպատասխան՝ հաստատեցին, որ ՀՀ հակակոռուպցիոն կոմիտեում քննվող քրեական վարույթի շրջանակներում ձերբակալվել է Հայաստանի ֆիզիկական կուլտուրայի և սպորտի պետական ինստիտուտի ամբիոնի վարիչը՝ կաշառք ստանալու մեղադրանքով։ Եվս երկու անձ  ձերբակալվել է կաշառք ստանալուն օժանդակելու և կաշառք տալու մեղադրանքներով։ Նրանց նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բավարարվել են:

NEWS.am-ի տեղեկություններով խոսքը սպորտային տուրիզմի և փրկարարական գործի ամբիոնի վարիչի մասին է: