ԱՄՆ պետքարտուղար Մարկո Ռուբիոն, նախագահի հատուկ դեսպանորդ Սթիվ Ուիթքոֆը և Դոնալդ Թրամփի փեսան՝ Ջարեդ Քուշներն այսօր Ֆլորիդայում կհանդիպեն ուկրաինական պատվիրակության հետ, հաղորդել է РБК-ն՝ հղում անելով Reuters-ին։
Նոյեմբերի 29-ին ուկրաինական պատվիրակությունը մեկնել է Միացյալ Նահանգներ՝ խաղաղության բանակցությունների համար։ Ուկրաինան կներկայացնի Ազգային անվտանգության և պաշտպանության խորհրդի քարտուղար Ռուստեմ Ումերովը, որը կգլխավորի պատվիրակությունը՝ փոխարինելով Վլադիմիր Զելենսկու գրասենյակի ղեկավար Անդրեյ Երմակին, որը հրաժարական էր տվել կոռուպցիոն սկանդալի պատճառով։
