Այսօր Էջմիածնի քաղաքապետ Արգիշտի Մեխակյանն այցելել է Արագած բնակավայրի հուշարձան-պուրակ, որտեղ ծաղիկներ է խոնարհել՝ ի հիշատակ հայրենիքի պաշտպանության համար իրենց կյանքը զոհած հերոսների։ Քաղաքապետը խոնարհվել է նրանց անմահ հիշատակի առաջ՝ խորին հարգանքով ու երախտագիտությամբ հիշելով նրանց հերոսական ուղին և հայրենանվեր սխրանքը։
Այցի ընթացքում Արգիշտի Մեխակյանը կարևորել է ազգային հիշողության պահպանման և հերոսների հիշատակի հավերժացման գործընթացը՝ ընդգծելով, որ համայնքը շարունակելու է հետևողական աշխատանքը այդ ուղղությամբ։
