ՀԱՊԿ անդամ բոլոր երկրները միակարծիք են դաշինքի հետագա ամրապնդման անհրաժեշտության հարցում։ Այս մասին «Ռոսիա 1»-ին տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը։
Ռուսաստանի Դաշնությունը հույս ունի, որ որոշ ժամանակ անց Հայաստանը կվերսկսի լիարժեք մասնակցությունը Հավաքական անվտանգության պայմանագրի կազմակերպության (ՀԱՊԿ) միջոցառումներին, ասել է Կրեմլի ներկայացուցիչ Դմիտրի Պեսկովը «Ռոսիա 1»-ի թղթակից Պավել Զարուբինին տված հարցազրույցում, հաղորդում է News.ru-ն։
«Հուսով ենք, որ մեր հայ ընկերները նույնպես, ի վերջո, ժամանակի ընթացքում կվերանայեն իրենց մոտեցումը՝ ի նպաստ կազմակերպությանը ընդլայնված մասնակցության», – ասել է Պեսկովը։
Ավելի վաղ հայտնի էր դարձել, որ Հայաստանի արտգործնախարար Արարատ Միրզոյանը չի կարողանա մասնակցել Մինսկում կայանալիք ՀԱՊԿ շրջանակներում հանդիպումներին։
Մինչև այդ Հայաստանի վարչապետ Նիկոլ Փաշինյանը Բելառուսի նախագահ Ալեքսանդր Լուկաշենկոյի հետ հեռախոսազրույցում ասել էր, որ չի մասնակցելու ՀԱՊԿ-ի նիստին։
