ԱՄՆ նախագահ Ջո Բայդենն իսրայելական Հայֆա նավահանգստային քաղաքը շփոթել է Գազայի հատվածում խաղաղ բնակիչների ապաստանի՝ Ռաֆահի հետ, գրում է nypost.com-ը:
81-ամյա նախագահը լեզվի սայթաքումը թույլ է տվել, երբ Nexstar Media-ի թղթակից Ռեշադ Հադսոնին տված հարցազրույցում, երբ նրան հարցրել են գալիք ընտրություններում պաղեստինամետ ընտրողների աջակցությունը ստանալու հավանականության մասին:
«Ես հանդիպել եմ նրանց հետ, հստակ ասել եմ, որ պետք է մեծապես ավելացնենք Գազա գնացող սննդի, ջրի և առողջապահական պարագարների քանակը: Եվ ես հստակ ասել եմ իսրայելցիներին՝ չհարվածեք Հայֆային», – ասել է ԱՄՆ նախագահը՝ նկատի ունենալով Ռաֆահը:
ՌԴ ԱԳՆ պաշտոնական ներկայացուցիչ Մարիա Զախարովան Telegram-ում մեկնաբանել է Բայդենի խոսքերն այն մասին, որ նա Իսրայելին արգելել է հարձակվել Հայֆա քաղաքի վրա։
«Նրան մնում է միայն արգելել իրեն մասնակցել ընտրություններին»,- գրել է Զախարովան։
Իսրայելի վարչապետ Բենիամին Նեթանյահուն հայտարարել է, որ Ռաֆահ քաղաքում ռազմական գործողությունը կարևոր է պաղեստինյան ՀԱՄԱՍ արմատական շարժման դեմ հաղթանակ ապահովելու համար։ Իսրայելի պաշտպանության բանակը ռազմական կաբինետին է ներկայացրել Ռաֆահից քաղաքացիական անձանց տարհանելու և այնտեղ գտնվող պաղեստինյան ՀԱՄԱՍ արմատական շարժման գումարտակները ոչնչացնելու ծրագիր։
