Մոսկվա-Երեւան ինքնաթիռում հրդեհ է բռնկվել։ Ձեռքի ուղեբեռը այրվել է հենց թռիչքի ժամանակ, տեղեկացրել է Shot թելեգրամ-ալիքը։
Ինչպես պարզել է ալիքը, այսօր FlyOne Armenia ավիաընկերության 3F324 չվերթի ուղեւորներից մեկի մոտ Երեւան թռչելիս այրվել է անձնական իրերով պայուսակը։
Ականատեսների խոսքով՝ ինքնաթիռի ուղեկցորդները արագ եւ հստակ են գործել, նրանք մարել են կրակը երեք կրակմարիչներով։
Նախնական տվյալներով՝ պայուսակում այրվել է փաուերբանկը։ Ավելի ստույգ տեղեկատվություն դեռ չկա։
Տուժածներ չկան, թռիչքի ուղղությունը չի փոխվել․ ինքնաթիռը բարեհաջող հասել է Հայաստանի մայրաքաղաք։
