Արմավիրի մարզում «Գազպրոմ Արմենիա» ընկերության տարածաշրջանային ստորաբաժանումը ոչ միայն շարունակում է ընթացիկ սպասարկման և վերանորոգման աշխատանքները, այլև առաջիկա շրջանում նախատեսում է իրականացնել մի շարք կարևոր ծրագրեր՝ ուղղված գազամատակարարման համակարգի հետագա զարգացմանն ու արդիականացմանը։
Lratvutyun.am-ի տեղեկություններով՝ առաջիկա ծրագրերի շրջանակում նախատեսվում է գազատարների մի մասի փուլային վերանորոգում և փոխարինում՝ ժամանակակից և առավել անվտանգ տեխնոլոգիաներով։ Այս քայլը միտված է գազամատակարարման հուսալիության բարձրացմանը և հնարավոր վթարային իրավիճակների կանխարգելմանը։
Ընկերությունը ծրագրում է նաև ընդլայնել գազամատակարարման ցանցը՝ նոր բաժանորդների միացմամբ, մասնավորապես այն բնակավայրերում, որտեղ առկա է պահանջարկ և տեխնիկական հնարավորություն։ Միևնույն ժամանակ շարունակվելու են հաշվառման համակարգերի արդիականացման աշխատանքները, այդ թվում՝ ժամանակակից գազահաշվիչների տեղադրումը։
Առաջիկա ծրագրերում կարևոր տեղ է զբաղեցնում նաև սպասարկման որակի բարելավումը․ նախատեսվում է ուժեղացնել քաղաքացիների դիմումների արագ արձագանքման մեխանիզմները և կատարելագործել հաճախորդների սպասարկման գործընթացները։
«Գազպրոմ Արմենիա»-ն Արմավիրի մարզում շարունակելու է իր գործունեությունը՝ առաջնահերթ համարելով բնակչության անվտանգությունը, հուսալի գազամատակարարումը և սոցիալական պատասխանատվությունը։
Lratvutyun.am-ը կշարունակի հետևել ընկերության կողմից իրականացվող ծրագրերին և պարբերաբար ներկայացնել նոր զարգացումները։
