Հայաստանի վարչապետի աշխատակազմի և Ադրբեջանի նախագահի աշխատակազմի միջև կապուղի կա, ես ձեզ վստահեցնում եմ, որ ոչ միայն երկու երկրների ղեկավարների աշխատակազմերի այդպիսի կապուղի կա, այլ նաև ԱԳ նախարարությունների միջև:
Այս մասին այսօր ԱԳ նախարար Արարատ Միրզոյանի ասել է ամփոփիչ ասուլիսի ժամանակ՝ պատասխանելով լրագրողների հարցերին:
«Կարծում եմ, որ դեկտեմբերի 7-ը և Հայաստանի և Ադրբեջանի համար շահավետ էր, շահավետ համաձայնության հանգեցինք, առնվազն 32 հայկական ընտանիքներ, նրանց հետ նաև հայ հասարակությունը ուրախ էր և երջանիկ տեսնելու 32 հայ գերիների ազատ արձակումը: Ցավոք այս դրական միտումը չշարունակվեց, և տեսնում ենք, որ հակառակ գործողություններն են տեղի ունենում, հետընթաց է արդեն իսկ ձեռք բերված պայմանավորվածություններից»,- ասել է նախարարը:
Նա նշեց, որ հետընթաց կար սահմանազատման հարցում, որտեղ Ադրբեջանի նախագահը պնդում է, որ պետք է նոր սահմաններ գծվեն, իսկ եթե ոչ պետք է որպես հիմք օգտագործվեն նախախորհրդային ինչ-որ սահմաններ:
«Սրանից բացի տարածքային ամբողջականությանը վերաբերվող հայտարարություններն եմ ուզում մատնանշել՝ պնդումը, որ ադրբեջանական ուժերը դուրս չեն գալու Հայաստանի Հանրապետության օկուպացված տարածքներից, նույնը կապուղիների ապաշրջափակման համատեքստում:
Այնուամենայնիվ Հայաստանի Հանրապետությունը հավատարիմ է խաղաղության օրակարգին և նշված սկզբունքներին, որոնցից մեծ մասով, ավելորդ չեմ համարում նշել, արդեն եղել են համաձայնություններ և պայմանավորվածություններ և հույս ունենք, որ շուտով Ադրբեջանը կվերադառնա կառուցողական դաշտ և մեզ կհաջողվի ավարտին հասցնել արդեն վաղուց սկսված խաղաղության գործընթացը»,- ասել է նա:
Նա նշեց, որ ինքը բազմից առիթ ունեցել է ասելու, որ մեզ համար խաղաղության պայմանագրի բանակցություններին միջնորդների առկայությունը սկզբունքային չէ:
«Սկզբունքային են այդ բանակցությունների բովանդակությունը, այն սկզբունքները, որոնց շուրջ բանակցությունները պետք է տեղի ունենան»,- ասել է նա: