Leasing Expo 2024-ը մեկ հարկի ներքո է համախմբել Հայաստանի լավագույն ընկերություններին ու ֆինանսաբանկային կազմակերպություններին, որոնք 3 օր շարունակ կներկայացնեն լիզինգի հետ կապված սեփական առաջարկներն ու պայմանները։ Արդեն երկրորդ տարին անընդմեջ Կոնվերս Բանկը մասնակցում է ցուցահանդեսին՝ առաջարկելով ֆինանսական վարձակալություն Converse Leasing պրոդուկտի շրջանակում, որը բիզնեսի ընդլայնման, զարգացման ու արտադրողականության բարձրացման հարմարավետ գործիք է:
Լիզինգը շահավետ լուծում է բիզնեսի համար, եթե բավարար ֆինանսական միջոցներ չկան արտադրությունը մեքենա-սարքավորումներով ու պահեստամասերով համալրելու համար: Կոնվերս Բանկն առաջարկում է լիզինգի հարմարավետ՝ բիզնեսի տարբեր պահանջներին հարմարեցված ճկուն պայմաններ: Բացի այդ, լիզինգի վճարները կարող են հաշվանցվել որպես հարկային ժամանակահատվածի ծախսեր:
Ի դեպ, Leasing Expo 2024-ին Կոնվերս Բանկը առաջին անգամ ներկայացավ իր նոր բրենդով, նոր կարգախոսով ու տեսլականով։
Converse Leasing-ը առաջարկում է ճկուն ժամկետներ և տոկոսադրույք: Հաճախորդները կարող են ընտրել 6-84 ամիս լիզինգի ժամկետ՝ ընտրելով լավագույն տարբերակը բիզնեսի համար: Իսկ տոկոսադրույքը սկսվում է 6,5%-ից, ինչը մրցունակ առաջարկ է շուկայում:
Ավելին, հայտի ուսումնասիրման վճար և լիզինգի վերջնական վճար նախատեսված չէ:
Ցուցահանդեսի 3 օրերին Բանկի տաղավարում կներկայացվեն Converse Leasing-ի հետ կապված բոլոր մանրամասներն ու լավագույն առաջարկները։
Մանրամասները՝ տեսանյութում։
