ԱԹՍ-ի բեկորների ընկնելու հետևանքով հրդեհ է բռնկվել Սլավյանսկ-նա-Կուբանիի նավթավերամշակման գործարանում։ Բեկորները վնասել են նաև էլեկտրահաղորդման գիծը, իսկ մասնավոր տներից մեկի պատուհանների ապակիները կոտրվել են։
Տարածաշրջանի օպերատիվ շտաբը հայտնել է, որ ԱԹՍ-ների հարձակման վտանգը շարունակում է պահպանվել Անապայում, Տուապսեի շրջանում և Կրասնոդարի երկրամասի Կրիմսկի շրջանում։
Նշվում է նաև, որ անօդաչու թռչող սարքի բեկորները վնասել են Կրասնոարմեյսկի շրջանի Տրուդոբելիկովսկի խուտորի չորս մասնավոր տուն։ Միջադեպի հետևանքով մեկ մարդ տուժել է։
Նրան տեղում ցուցաբերվել է անհրաժեշտ բուժօգնություն, հոսպիտալացման կարիք չի եղել։
