Yandex.Metrica
Սերժ Սարգսյան

Հայերը, անկախ նրանից` աշխարհի որ մասում են ապրում, մեկ ընդհանուր արժեք ունեն` Հայրենիքն ու Հայոց պետականությունը:

lratvutyun lratvutyun

«Մարզպետարանում մենք ուռճացված ծախսեր չունենք». Աշոտ Ղահրամանյան

366

«Մեր երկիրը ճիշտ ուղիով է ընթանում: Այս երկիրը պետք է կառուցել այնպես, որ մեր բոլոր երեխաներն ու թոռներն այստեղ ապրեն»,-լրագրողների հետ հանդիպմանը նշեց Արմավիրի մարզպետ Աշոտ Ղահրամանյանը: Լրագրողները հետաքրքրվեցին վերջին շրջանում տեղի ունեցած օպտիմալացման ու կրճատումների գործընթացից, մասնավորապես, այդ համատեքստում, ինչ փոփոխություններ են սպասվում մարզպետարանում: «Մարզպետարանում մենք ուռճացված ծախսեր չունենք: Ինչ վերաբերում է մարզպետարանի ունեցած մեքենաների թվին, դրանք մեզ չեն բավարարում: Ընդամենը 7 հին մեքենա է: Արմավիրն ամենաշատ բնակչություն ունեցող մարզն է, սակայն մարզպետարանն ամենաքիչ աշխատակազմն ունի»,-նշեց մարզպետը: Աշոտ Ղահրամանյանը նկատեց, որ կրճատումները վերաբերում է այն բոլոր պետական կառույցներին, որտեղ ավելորդ ծախսեր կան:

Մարզպետը խոսեց նաև անցած 8 ամիսներին ձեռք բերված արդյունքների և առկա ցուցանիշների մասին` ընդհանուր առմամբ դրական գնահատելով ստացված արդյունքները: Արմավիրի մարզը միակ մարզն է, ուր ՀՆԱ-ն երկնիշ աճի տեմպ ունի, որը ստացված արդյունքների ամենախոսուն ցուցանիշն է: