Մարտի 25-ին Սոչիի «Սիրիուս» գիտության և արվեստի պարկում մեկնարկում է «Ատոմէքսպո 2024» երկօրյա միջազգային ֆորումը։ Միջոցառումն անցկացվում է արդեն 13-րդ անգամ՝ «Ռոսատոմ» պետական կորպորացիայի աջակցությամբ:
Ֆորումն ավանդաբար մեկ հարթակում է հավաքում իշխանության ներկայացուցիչներին, գլոբալ միջուկային արդյունաբերության խոշոր ձեռնարկությունները, ինչպես նաև առաջատար միջազգային փորձագետներին:
Նախատեսվում է, որ միջոցառմանը կմասնակցի ավելի քան 4,500 մարդ, այդ թվում՝ հյուրեր 75 երկրից:
«Ատոմէքսպո 2024»-ի հիմնական թեման ռեակտորային տեխնոլոգիաների չորրորդ սերունդն է և այս ոլորտում Ռուսաստանի առաջնորդությունը:
Ֆորումը կներառի 40 թեմատիկ կլոր սեղան և պանելային քննարկում: Ֆորումի պատվավոր հյուրերի թվում են ՄԱԳԱՏԷ-ի գլխավոր տնօրենի տեղակալ Միխայիլ Չուդակովը, Բուրունդիի Հանրապետության էներգետիկայի, ջրային պաշարների և հանքարդյունաբերության նախարար Իբրահիմ Ուվիզեյեն, Հունգարիայի արտաքին գործերի և առևտրի նախարար Պետեր Սիյարտոն, Սերբիայի առողջապահության նախարար Դանիցան Գրույիչիչը և այլ բարձրաստիճան հյուրեր:
«Ատոմէքսպո 2024»-ի շրջանակում տեղի կունենան նշանակալի գործընկերային պայմանագրերի ստորագրման արարողություններ: Ֆորումի ամբողջ պատմության ընթացքում նման պայմանագրերի թիվը գերազանցել է 500-ը, իսկ դրանց ընդհանուր արժեքը գնահատվում է 63 միլիարդ դոլար։
