Մեկնարկել է «Leasing Expo 2024/ բոլոր սարքավորումները մեկ հարթակում» ցուցահանդեսը, որի մասնակիցների շարքում արդեն երկրորդ անգամ ԱրարատԼիզինգն է: Եթե բիզնեսի զարգացման ընթացքին անհրաժեշտ է արտադրական ծավալների աճ, հիմնական միջոցների վերազինում և նոր սարքավորումների ներգրավում, ապա ԱրարատԼիզինգն արդյունավետ լուծում է:
Լիզինգ ֆինանսական գործիքը ճկուն և մատչելի տարբերակ է հիմնական միջոցների ձեռքբերման համար, ինչը զերծ կպահի լիզինգառուին սեփական ներդրումների հսկայական ծավալից։
ԱրարատԲանկում լիզինգի ծառայությունը գործել է դեռևս 2011 թվականից: Բանկում լիզինգի ծառայության վերագործարկումից և նոր թափ հաղորդելուց հետո՝ վերջին մեկ տարվա ընթացքում լիզինգի մասնաբաժինը մեծացավ. այդպիսի պատկեր չի եղել նույնիսկ լիզինգային պրոդուկտի տրամադրման մի քանի տարվա ընթացքում:
ԱրարատԲանկի ռազմավարության մեջ կարևոր ուղղություններից մեկը կանաչ ֆինանսավորումն է, վերականգնվող էներգետիկան, էներգաարդյունավետ վարկերը, լիզինգով տրամադրվող սարքավորումները ևս համապատասխանում են այդ չափանիշներին։
ԱրարատԲանկի ֆինանսավորած վերջին նախագծերից է 100 էլեկտրամոբիլների ձեռքբերումը, որոնք այսօր շահագործվում են որպես տաքսի ծառայություն: Այս գործարքը նպաստում է թե՛ լիզինգի, թե՛ կանաչ ֆինանսավորման զարգացմանը։
ԱրարատԼիզինգ ֆինանսավորման շրջանակում հնարավոր է ձեռք բերել սարքավորումներ, որոնք ներառում են, բայց չեն սահմանափակվում տրասնպորտային միջոցներով, շինարարական և ագրոտեխնիկայով»
